Skip to content

Al lo konteni

 LO KOUVERTIR | KI MANNYER MON KAPAB BENEFISYE LER MON LIR LABIB?

Kwa ki pou fer mon lektir Labib enteresan?

Kwa ki pou fer mon lektir Labib enteresan?

Ki mannyer ou lektir Labib pou ete, boring oubyen rekonfortan? Sa i depan en kantite lo ki mannyer ou lir Labib. Annou vwar ki ou kapab fer pour ogmant ou lentere e fer li pli gou.

Rod en tradiksyon Labib ki dan en langaz ki ou konpran e ki egzakt. Si ou lir en liv ki annan bann mo difisil oubyen bann mo ki nepli ganny servi, ou pa pou anvi lir. Alor, rod en Labib ki servi bann mo fasil ki pou tous ou leker. An menm tan, i bezwen en Labib ki’n byen tradwir e ki egzakt. *

Servi teknolozi modern. Ozordi Labib pa zis disponib konman en liv ki’n ganny enprimen me konman en liv elektronik. Ou kapab lir serten Labib lo Enternet oubyen download li lo ou konpiter, tablet oubyen mobayl. Serten sa bann versyon i permet ou pour tyek lezot verse lo sa menm topik pli vitman e menm konpar fason ki diferan Labib in tradwir sa verse. Si ou prefere ekoute plito ki lir Labib, i annan lanrezistreman odyo ki disponib dan serten langaz. Bokou dimoun i kontan ekout lektir Labib ler zot dan transpor piblik, pe lave oubyen ler zot pe fer lezot aktivite ki permet zot ekoute. Akoz ou pa esey en metod ki apropriye pour ou?

 Servi bann zouti pour letid dan Labib. Bann zouti pour letid i kapab ed ou benefisye plis ler ou lir Labib. I annan bann map ki kapab ed ou rod bann landrwa ki ou’n lir lo la dan Labib e sa i kapab ed ou konpran bann levennman pli byen. Bann lartik parey bann ki dan sa magazin oubyen lo jw.org, i kapab ed ou konpran sinifikasyon serten verse Labib.

Esey diferan lapros. Si i paret difisil pour lir Labib depi konmansman ziska finisyon, akoz ou pa konmans lir en seksyon ki pli enteres ou? Si ou anvi konn plis lo en dimoun spesifik dan Labib, ou kapab esey lir bann verse ki koz lo sa dimoun. Oubyen ou kapab lir Labib dan lord ki bann levennman in arive ouswa par topik. I annan de legzanp dan sa bwat “ Aprann konn bann dimoun ki dan Labib.” Akoz ou pa esey enn sa bann lapros?

^ par. 4 Bokou dimoun in vwar ki Labib​Matye-Revelasyon​Tradiksyon nouvo lemonn i enn ki egzakt e ki fasil pour lir. Sa Labib pibliye par Temwen Zeova i disponib dan plis ki 130 langaz. Ou kapab download en kopi lo jw.org ouswa download JW Library app lo Enternet. Oubyen si ou ti a kontan, Temwen Zeova i kapab anmenn en kopi kot ou.