Sa seksyon i kouver en peryod letan 80 an e i koz lo listwar Lerwa Sail ek Lerwa David. O konmansman Sail ti annan limilite ek en gran respe pour Bondye, me i pa ti tarde pour sanze. I ti menm refize swiv gidans Zeova. Zeova ti rezet li e pli tar i ti demann Samyel pour swazir David konman prosen lerwa Izrael. Sail ti zalou, alor plizyer fwa i ti esey touy David me David pa ti zanmen revanze. Garson Sail, Zonatan ti konnen ki Zeova ti’n swazir David, alor i ti reste fidel avek David. David ti fer bann pese grav, me i ti aksepte disiplin Zeova. Si ou en paran, ed ou zanfan pour konpran akoz i enportan pour toultan obeir e reste fidel avek Zeova e osi avek bann ki i swazir pour gid e diriz nou.