Lentrodiksyon Seksyon 14
Bann Kretyen dan premye syek ti anons sa bon nouvel lo Rwayonm ziska dan bann landrwa pli lwen lo later. Zezi ti dir zot kote pour prese. I ti osi donn zot abilite pour koz diferan langaz pour ansenny dimoun dan zot prop langaz. Zeova ti donn zot lardyes ek lafors pour zot kapab fer fas avek persekisyon.
Zezi ti fer zapot Zan vwar laglwar Zeova dan en vizyon. Dan en lot vizyon, Zan ti vwar Rwayonm lesyel pe ranport laviktwar lo Satan e met en lafen avek son dominasyon pour touzour. Zan ti vwar Zezi pe dirize konman Lerwa ek sa 144,000 ki pou diriz ansanm avek li. Zan ti osi vwar later antye vin en paradi kot tou dimoun i ador Zeova dan lape ek linite.
DAN SA SEKSYON
LESON 95
Napa nanryen ki ti anpes zot prese
Bann sef relizye ki ti fer Zezi ganny touye i esey anpes son bann disip koze.
LESON 98
Dimoun i vin Kretyen dan diferan nasyon
Zapot Pol ek son bann zanmi misyonner i konmans pres dan bann landrwa elwannyen.
LESON 99
En gard prizon i vin en Kretyen
Ki mannyer en demon, tranblemandter ek lepe i enkli dan sa zistwar?
LESON 101
Pol i ganny anvoye Ronm
Lo sa traze i ti annan bokou danze me napa okenn difikilte ki ti kapab aret sa zapot.
LESON 103
“Ki ou Rwayonm i vini”
Sa Revelasyon ki Zan i gannyen i montre ki mannyer Rwayonm Bondye pou sanz lavi lo later.
