Bann Proverb 4:1-27
4 Mon bann garson, ekout disiplin ki en papa i donn zot.
Ekout byen pour zot ganny lentelizans,
2 Parski mon pou donn zot bann bon lenstriksyon.
Pa bezwen rezet mon lansennyman.*
3 Mon ti en bon garson pour mon papaE mon manman ti pli kontan mwan ki lezot.
4 Mon papa ti ansenny mwan e i ti dir: “Ki ou gard mon parol dan ou leker.
Obei mon bann komannman e ou pou kontinyen viv.
5 Rod lasazes ek lentelizans.
Pa bezwen oubliye e kontinyen fer sa ki mon dir.
6 Pa bezwen rezet li e i pou protez ou.
Kontan li e i pou protez ou.
7 Lasazes i sa keksoz pli enportan,* alor rod lasazes.
Parmi tou keksoz ki ou rode, rod lentelizans.
8 Konsider li konman en keksoz ki vreman enportan e i pou onor ou.
I pou onor ou akoz ou vreman kontan li.
9 I pou met en zoli kouronn fler lo ou latet.
I pou donn ou en zoli kouronn pour fer ou zoli.”
10 Mon garson, ekoute e aksepte sa ki mon dir ouE ou pou viv lontan.
11 Mon pou gid ou lo semen lasazes.
Mon pou gid ou lo bann santye ladrwatir.
12 Ler ou marse, napa nanryen ki pou bar ouE si ou taye, ou pa pou tonbe.
13 Tyonbo disiplin, pa bezwen larg li.
Protez li parski i pou fer ou viv.
14 Pa bezwen al lo santye bann move dimounE pa bezwen mars lo semen bann dimoun ki fer sa ki mal.
15 Evite al lo sa semen, pa bezwen al lo la,Sorti lo sa semen e pran en lot semen.
16 Parski zot pa kapab dormi si zot pa fer sa ki mal.
Zot pa ganny sonmey si zot pa fer en dimoun tonbe.
17 Bann move keksoz ki zot fer i parey dipen pour zotE bann vyolans ki zot fer i parey diven pour zot.
18 Me santye bann dimoun ki fer sa ki byen* i parey lalimyer dan bomatenKi vin deplizanpli pli for ziska gran lizour.
19 Semen bann move dimoun i parey fernwanr.
Zot pa konnen kwa ki fer zot tonbe.
20 Mon garson, ekout sa ki mon dir.
Ekout byen* sa ki mon dir ou.
21 Pa bezwen oubliy zot.
Gard zot dan fon ou leker,
22 Parski zot pou fer bann dimoun ki trouv zot vivE zot pou fer sa bann dimoun* an bonn sante.
23 Protez ou leker plis ki tou lezot keksozParski ou lavi i depan lo ou leker.*
24 Pa bezwen koz mantiE pa bezwen dir bann keksoz ki anbet lezot.
25 Ou devret get drwat devan,Wi, ou* devret get drwat devan ou.
26 Fer sa semen kot ou marse vin plat*E tou ou bann semen pou an sekirite.
27 Pa bezwen al lo kote drwat oubyen lo kote gos.
Pa bezwen fer sa ki mal.
Bann not
^ Oubyen “lalwa.”
^ Oubyen “sa premye keksoz.”
^ Oubyen “dimoun ki drwat.”
^ Literalman, “Ouver ou zorey.”
^ Literalman, “zot laser antye.”
^ Oubyen “sours lavi i sorti dan ou leker.”
^ Oubyen “ou lizye i devret kler e ou.”
^ Oubyen posibleman, “Get byen kot ou marse.”
