Bann Proverb 27:1-27
27 Pa bezwen fer vantar konsernan sa ki ou pou fer demenParski ou pa konnen ki pou arive demen.*
2 Les en lot dimoun* felisit ou, pa fer li avek ou prop labous.
Les lezot* fer li, pa fer li avek ou prop lalev.
3 Ros ek disab i lour,Me bann problenm ki en dimoun ki bet i fer i pli lour ki tou le de.
4 Lakoler i kriyel e i detri parey en linondasyon,Me zalouzi i pli pir ki sa.
5 I pli bon si ou koriz en dimoun fran dan plas ki ou kasyet ou lanmour pour en dimoun.
6 En zanmi ki fidel i koriz ou menm si ou pa kontan,Me en lennmi i anbras ou en kantite.*
7 En dimoun ki son vant i plen pa oule* dimyel ki sorti dan gof,Me pour en dimoun ki lafen, menm bann manze ki anmer i dou.
8 En dimoun ki kit son lakourI parey en zwazo ki kit* son nik.
9 Delwil ek lansan i fer leker kontan,Parey en bon zanmi ki donn konsey ki senser.
10 Pa bezwen abandonn ou zanmi oubyen zanmi ou papaE pa bezwen antre dan lakaz ou frer ler ou dan problenm.
En vwazen ki reste o bor ou i pli bon ki en frer ki reste byen lwen.
11 Mon garson, vin saz e fer mwan kontan,Pour mwan kapab reponn sa enn ki provok mwan.
12 En dimoun ki pridan i al kasyet ler i vwar danze,Me en dimoun ki napa leksperyans i kontinyen ale e i pey konsekans.
13 Pran lenz en dimoun si i’n promet pour pey det en etranze.
Pran sa keksoz ki i ti’n promet konman garanti si i ti’n fer sa promes avek en madanm etranze.*
14 Ler en dimoun i koz for pour li beni son prosen granmaten,Sa pou ganny konsidere konman en malediksyon pour li.
15 En madanm ki kontan fer kankan* i parey twa en lakaz ki kontinyen koule ler lapli i tonbe.
16 En dimoun ki kapab kontrol sa madanm i kapab kontrol divanE i kapab tyonbo delwil dan son lanmen drwat.
17 Zis parey feray i fit feray,En dimoun i ed son zanmi pour progrese.*
18 En dimoun ki pran swen avek en pye fig pou manz son friE en dimoun ki pran swen avek son met pou ganny onore.
19 Zis parey en dimoun i kapab vwar son figir dan delo,Leker en dimoun i parey leker en lot dimoun.
20 Latonm ek landrwa destriksyon* pa zanmen satisfe,Lizye en dimoun osi pa zanmen satisfe.
21 Zis parey larzan* i ganny pirifye dan en marmit e lor i ganny pirifye dan en four,Ler en dimoun i ganny felisite sa i montre ki kalite dimoun i ete.*
22 Menm si ou kraz en dimoun ki bet dan en mortyeParey ou kraz lagrenn,I pou kontinyen fer bann keksoz ki bet.
23 Ou devret konn byen ou troupo.
Pran byen swen avek* ou bann mouton,
24 Parski larises pa reste pour touzourE en kouronn* pa reste pour tou bann zenerasyon.
25 Zerb ver i mor, nouvo zerb i pouseE dimoun i anmas bann plant lo bann montanny.
26 Bann zenn mal mouton i fer ou ganny lenz pour meteE bann mal kabri i fer ou kapab aste en plantasyon.
27 I pou annan ase dile kabri pour ou,Pour ou fanmir e pour ou bann servant.
Bann not
^ Literalman, “sa zour pou donn nesans.”
^ Literalman, “en etranze.”
^ Literalman, “en etranze.”
^ Oubyen posibleman, “i pa senser ler i anbras ou, i pa anbras ou volonterman.”
^ Literalman, “i pil pil lo.”
^ Oubyen “ki sove dan.”
^ Oubyen “en etranze.”
^ Oubyen “kontan konplent.”
^ Literalman, “fit figir son zanmi.”
^ Oubyen “Sheʹol ek Abadonn.”
^ Larzan, sa metal.
^ Oubyen “En dimoun i ganny teste ler i ganny felisite.”
^ Oubyen “Met ou leker lo, Get byen.”
^ Oubyen “kouronn lerwa.”
