Bann Proverb 16:1-33
16 En dimoun i reflesir dan son leker,*Me larepons ki i donnen* i sorti kot Zeova.
2 En dimoun i krwar ki tou sa ki i fer i byen,*Me Zeova i egzamin son motivasyon.
3 Depan lo Zeova dan tou sa ki ou fer*E ou bann plan pou marse.
4 Zeova i servi tou keksoz pour fer son plan marseE i pou fer sir ki bann move dimoun i ganny detrir.
5 Zeova pa kontan en dimoun ki orgeye.
Ou kapab asire* ki i pou ganny pini.
6 Si en dimoun i annan lanmour* ek fidelite, son fot i ganny pardonnenE en dimoun ki annan en gran respe pour Zeova i aret fer sa ki mal.
7 Ler Zeova i kontan sa ki en dimoun i fer,I fer son bann lennmi anpe avek li.
8 I pli bon si en dimoun i annan en ptigin keksoz e i fer sa ki byen*Dan plas ganny en kantite reveni dan en fason ki enzis.
9 En dimoun i kapab fer plan dan son leker ki i pou fer dan son lavi,Me Zeova ki konnen kote i pou met son lipye.
10 En lerwa i devret fer tou son bann desizyon dapre sa ki Bondye i demande.
I pa devret zanmen fer bann keksoz ki enzis.
11 Bann balans ki egzakt i sorti kot Zeova.
Tou bann pwa ki dan sak i sorti kot li.
12 Bann lerwa pa kontan ler bann dimoun i fer bann move keksoz,Parski sa tronn in ganny byen etabli avek ladrwatir.
13 Bann lerwa i kontan ler bann dimoun i dir bann keksoz ki drwat.
Zot kontan en dimoun ki koz laverite.
14 Lakoler lerwa i parey en mesaze ki’n ganny anvoye pour touy dimoun,Me en dimoun ki saz i fer li aret* ankoler.
15 Si en lerwa i aksepte en dimoun, sa dimoun pou viv en bon lavi.
Ler en lerwa i aksepte en dimoun, sa i parey en nyaz lapli dan sezon prentan.
16 I pli bon si en dimoun i rod lasazes dan plas rod lor.
I pli bon si en dimoun i swazir pour li ganny lentelizans dan plas swazir pour li ganny larzan.*
17 Gran semen bann dimoun ki fer sa ki drwat i anpes zot fer sa ki mal.
En dimoun ki vey son semen pou reste vivan.
18 Lorgey i fer en dimoun tonbeE en dimoun ki arogan i tonbe.
19 I pli bon si en dimoun i demontre limilite parmi bann dimoun ki annan limiliteDan plas pran en pe keksoz ki bann dimoun arogan in gannyen.
20 En dimoun ki demontre bon zizman dan en sityasyon pou reisi*E en dimoun ki annan konfyans dan Zeova pou kontan.
21 Bann dimoun pou dir ki en dimoun ki saz i annan lentelizansE en dimoun ki dir bann bon keksoz* i kapab persyad lezot.
22 Bann dimoun ki annan bon zizman i ganny lavi,Me bann dimoun ki bet i ganny pini akoz bann keksoz bet ki zot fer.
23 En dimoun ki saz i demontre bon zizman ler i kozeE i kapab persyad lezot.
24 Bann parol ankourazan i parey en gof dimyel,I dou e i en gerizon pour lezo.
25 En dimoun i kapab krwar ki en semen i bon,Me finalman i pou mor.
26 En travayer i travay dir parski i anvi manze.
I kontinyen travay parski i lafen.*
27 En bon nanryen i fouye pour rod bann move keksoz,Bann keksoz ki i dir i parey en gro dife.
28 En fouter dezord* i fer problenmE en dimoun ki fann rimer i fer bann bon zanmi fase avek kanmarad.
29 En dimoun ki vyolan i anbet son prosenE i fer li al lo sa move semen.
30 I bat en lizye ler i fer konplo pour fer sa ki mal,
I mord son lalev ler i pe akonpli son plan pour fer sa ki mal.
31 Seve blan i en zoli kouronn*Ler i lo latet en dimoun ki pe mars lo semen ladrwatir.
32 En dimoun ki pa ankoler vitman i pli bon ki en dimoun forE en dimoun ki pe kontrol son lakoler i pli bon ki en dimoun ki pe pran en lavil.
33 En dimoun i kapab tir osor* dan son lenz*Me Zeova ki fer tou desizyon.
Bann not
^ Literalman, “En dimoun i prepar son leker.”
^ Oubyen “bon larepons.” Literalman, “larepons ki lalang i donnen.”
^ Literalman, “pir.”
^ Literalman, “Roul ou bann travay kot Zeova.”
^ Literalman, “Lanmen dan lanmen.”
^ Oubyen “lanmour fidel.”
^ Oubyen “drwat.”
^ Oubyen “i anpes li.”
^ Larzan, sa metal.
^ Literalman, “bon.”
^ Oubyen “bann zoli parol.” Literalman, “lalev dou.”
^ Literalman, “labous.”
^ Oubyen “En dimoun ki fer konplo.”
^ Oubyen “i en kouronn laglwar.”
^ Vwar Leksplikasyon bann mo.
^ Setadir, sa bout lenz ki kouver lipye en dimoun ler i asize.
