Osea 6:1-11
6 “Vini, annou retourn kot Zeova,Parski i’n desir nou an morso, me i pou geri nou.
I’n tap nou, me i pou pans nou bann blesir.
2 I pou redonn nou lavi* apre de zour.
Trwazyenm zour i pou fer nou leveE nou pou viv devan li.
3 Nou pou konn Zeova, nou pou senserman anvi konn li.
Sirman i pou arive zis parey soley i leve dan granmaten.
I pou vin kot nou parey en gro lapli,Parey lapli pandan sezon prentan* ki aroz later.”
4 “Ki mon pou fer avek ou, Efraim?
Ki mon pou fer avek ou, Zida?
Parski zot lanmour fidel i parey bann nyaz dan bomaten,Parey laroze ki disparet vitman.
5 Pour sa rezon, mon pou servi mon bann profet pour tap* zot.
Parol sorti dan mon labous pou touy zotE mon bann zizman kont zot pou briye parey lalimyer.
6 Parski lanmour fidel* ki fer mwan plezir, me pa bann sakrifisE ki dimoun i konn Bondye, olye ofer bann lofrann brile.
7 Me mon pep, konman bann senp imen, in kas lalyans.
Dan sa bann landrwa, zot in trai mwan.
8 Gilead i en lavil bann move dimoun,I plen avek latras disan ater.
9 Bann pret i parey en group bandi ki pe katern pour touy dimoun.
Zot komet mert lo semen Sekenm,Parski zot kondwit i fer onte.
10 Mon’n vwar en keksoz terib parmi nasyon* Izrael.
Laba ki Efraim i pratik imoralite seksyel.
Izrael in vin enpir.
11 An plis, O Zida, letan rekolt in ganny fikse pour ou,Ler mon pou rasanble mon pep ki an egzil e fer li retourn dan son pei.”
Bann not
^ Oubyen “lafors.”
^ Sa lapli ti konmans tonbe apepre dan milye mwan Avril. Vwar Lezot lenformasyon, B15.
^ Literalman, “koup.”
^ Oubyen “konpasyon.”
^ Literalman, “lakaz.”
