Malaki 4:1-6

  • Profet Eliya pou vini avan zour Zeova (1-6)

    • “Soley ladrwatir pou briye” (2)

4  La sa ki Zeova Sef larme i dir, “Parski gete! Sa zour pe vini parey en gro dife* e tou dimoun arogan ek bann ki pratik sa ki mal pou ganny brile parey lapay. Ler sa zour i arive, zot pou sirman ganny detrir e i pa pou reste ni rasin ni brans.  Me soley ladrwatir pou briye lo bann ki onor* mon non. Son bann reyon* pou geri zot e zot pou sot sote parey bann pti bef angrese.”  La sa ki Zeova Sef larme i dir, “Zot pou kraz bann move dimoun anba zot lipye parski sa zour ki mon pran aksyon, sa bann dimoun pou vin parey lapousyer anba zot lipye.”  “Rapel Lalwa mon serviter Moiz, bann lareg ek komannman* ki mon ti donnen dan rezyon Oreb pour tou Izrael obei.  “Gete! Avan sa zour Zeova ki gran e efreyan i arive, mon pou anvoy profet Eliya kot zot.  I pou fer leker bann papa vin parey leker bann garson e leker bann garson vin parey leker bann papa,* pour ki mon pa vin frap later e detri li.”

Bann not

Oubyen “four.” Vwar Leksplikasyon bann mo.
Literalman, “ki annan gran respe pour.”
Literalman, “bann lezel.”
Literalman, “zizman.”
Oubyen “I pou tourn leker bann papa ver zot garson e leker bann garson ver zot papa.”