Izai 52:1-15

  • Siyon, leve! (1-12)

    • I zoli pour vwar lipye sa bann ki pe anons bon nouvel (7)

    • Bann gardyen Siyon i kriye ansanm (8)

    • Bann dimoun ki pe anmenn bann keksoz Zeova i bezwen pir (11)

  • Serviter Zeova pou ganny glorifye (13-15)

    • Son laparans ti’n defigire (14)

52  Leve! Leve! Siyon, abiy ou avek lafors! Zerizalenm, sa lavil sen, met ou bann zoli lenz! Parski bann dimoun ki pa’n ganny sirkonsi e ki enpir pa pou antre kot ou ankor.   Zerizalenm, leve, tir lapousyer lo ou e asize. Fiy Siyon ki en prizonnyen, delarg sa lasenn dan ou likou.   Parski la sa ki Zeova i dir: “Zot ti ganny vann pour nanryenE zot pou ganny reaste me pa avek larzan.”   Parski la sa ki Souvren Senyer Zeova i dir: “O konmansman, mon pep ti desann Lezip pour reste laba konman bann etranze. Apre, bann Asiriyen ti fer zot soufer san okenn rezon.”   La sa ki Zeova i dir, “Aprezan, ki mon devret fer?” La sa ki Zeova i dir, “Parski mon pep ti ganny pran pour nanryen. Bann dimoun ki ti pe diriz zot ti kontinyen selebre akoz zot ti’n ganny laviktwarE lazournen antye zot ti kontinyen mank respe pour mon non.   Sanmenm sa, mon pep pou konn mon non. Sanmenm sa, sa zour, zot pou konnen ki mwan sa Enn ki pe koze. Wi, mwan menm!”   Pa i vreman zoli pour vwar lipye sa enn ki pe anons bon nouvel lo bann montanny,Sa enn ki pe anons lape,Sa enn ki pe anmenn bon nouvel pour en keksoz ki pli bon,Sa enn ki pe anonse ki zot pou ganny sove,Sa enn ki pe dir Siyon: “Ou Bondye in vin Lerwa!”   Ekoute! Ou bann gardyen i kriye. Zot kriye ansanm dan lazwa,Parski zot pou vwar byen* ler Zeova i fer Siyon retournen.   Bann debri Zerizalenm, zot devret kontan e kriye ansanm dan lazwa,Parski Zeova in konsol son pep. I’n sov* Zerizalenm. 10  Zeova in montre tou bann nasyon son lebra ki sen. Bann dimoun dan bann landrwa pli lwen lo later pou vwar bann keksoz ki nou Bondye pou fer pour sov nou.* 11  Ale, ale, sorti laba, pa bezwen tous nanryen ki enpir! Sorti kot li, gard zot lekor pir,Zot sa bann dimoun ki pe anmenn bann keksoz Zeova. 12  Parski zot pa pou panik ler zot sortiE zot pa pou ni bezwen taye,Parski Zeova pou al par devan zotE Bondye Izrael pou protez zot par deryer. 13  Gete! Mon serviter pou azir avek bon zizman. I pou vin en dimoun enportan,I pou ganny en pozisyon ki o e i pou ganny glorifye en kantite. 14  Zis parey i ti annan en kantite dimoun ki ti etonnen ler zot ti vwar li,Parski son laparans ti’n defigire plis ki tou lezot dimounE son zoli lekor ti’n vin pli vilenn ki pour tou dimoun, 15  Alor, i pou fer en kantite nasyon soke. Bann lerwa pou ferm zot labous* devan li,Parski zot pou vwar bann keksoz ki personn pa ti’n dir zotE zot pou reflesir lo bann keksoz ki zot pa ti’n tande.

Bann not

Oubyen “get dan lizye kanmarad.”
Oubyen “reaste.”
Oubyen “pou vwar ler nou Bondye i ganny laviktwar.”
Oubyen “pa pou kapab koze.”