Zob 10:1-22
10 “Mon’n degout mon lavi.+
Mon zis anvi plennyen.
Akoz mon soufrans, mon pou koze.
2 Mon pou dir Bondye: ‘Pa deklar mwan koupab.
Silvouple dir mwan akoz ou pe lager avek mwan.
3 Ki byenfe ou gannyen ler ou fer mwan soufer,
Ler ou rezet sa ki ou’n fer+
E ekout konsey bann move dimoun?
4 Eski ou annan lizye parey en dimoun?
Oubyen eski ou vwar parey en imen?*
5 Eski ou lavi i kourt parey bann imen,
Oubyen eski ou pou viv menm kantite lannen ki en dimoun+
6 Pour ki ou rod fot avek mwan
E ki ou kontinyen vey mon pese?+
7 Ou konnen ki mon pa koupab+
E personn pa kapab sov mwan dan ou lanmen.+
8 Ou lanmen ki’n form mwan e ki’n fer mwan,+
Me la ou anvi detrir mwan konpletman.
9 Silvouple pa bliye ki ou’n fer mwan avek larzil,+
Me aprezan ou pe fer mwan retourn dan lapousyer.+
10 Pa ou’n devid mwan parey dile
E ou’n fer mwan kaye parey fromaz?
11 Ou’n met laser ek lapo lo mwan
E ou’n fer mwan avek lezo ek tandon.*+
12 Ou’n donn mwan lavi ek lanmour fidel,
Ou’n protez e pran swen avek mwan.*+
13 Me ou ti pe plàn pour fer sa bann keksoz an sekre.
Mon konnen ki ou ki’n fer sa bann keksoz.
14 Si mon ti fer pese, ou ti pou vwar mwan+
E ou pa ti pou pardonn mwan mon fot.
15 Si mon koupab, tanpi pour mwan!
E menm si mon inosan, mon pa kapab lev mon latet,+
Akoz mon pe soufer+ e mon vreman onte.
16 Si mon lev mon latet, ou tay deryer mwan parey en lyon+
E ankor enn fwa ou servi ou lafors pour fer mwan ditor.
17 Ou fer bann nouvo temwen vin temwanny kont mwan.
Mon pas dan maler enn deryer lot
E ou deplizanpli ankoler avek mwan.
18 Alor akoz ou’n fer mwan sorti dan vant mon manman?+
Plito mon ti’n mor avan en dimoun i kapab vwar mwan.
19 I ti pou konmsi mon pa ti’n zanmen egziste.
Mon ti pou sorti dan vant mon manman e al direk dan latonm.’
20 Pa mon lavi i kourt?+ Ki Bondye i les mwan trankil
E aret get mwan pour ki mon ganny soulazman*+
21 Avan ki mon al dan sa landrwa kot mon pa pou retournen,+
Dan sa pei kot i vreman fernwanr,*+
22 Dan sa pei ki konpletman sonm,
Sa pei lonbraz ek dezord,
Kot menm lalimyer i parey fernwanr.”
