Izai 62:1-12
-
En nouvo non pour Siyon (1-12)
62 Mon pa pou reste trankil akoz Siyon+
E mon pa pou reste nanryen fer akoz Zerizalenm
Ziska ki son ladrwatir i klere parey en gro lalimyer+
E ziska son delivrans i alimen parey en flanbo.+
2 “Sa madanm, bann nasyon pou vwar ou ladrwatir+
E tou bann lerwa pou vwar ou laglwar.+
Ou pou ganny en nouvo non+
Ki Zeova li menm pou swazir.
3 Ou pou vin en zoli kouronn dan lanmen Zeova,
En tirban* rwayal dan lanmen ou Bondye.
4 Ou pou nepli ganny apele en madanm ki’n ganny abandonnen+
E ou pei pou nepli ganny apele en pei ki’n ganny abandonnen.+
Me ou pou ganny apele sa Enn ki fer mwan kontan+
E ou pei pou ganny apele sa Enn ki’n marye.
Parski Zeova pou pran plezir dan ou
E ou pei pou parey en madanm ki’n marye.
5 Parski zis parey en garson i marye avek en vyerz,
Ou bann zabitan pou marye avek ou.
Parey en nouvo marye i dan lazwa akoz en nouvel marye,
Ou Bondye pou dan lazwa akoz ou.+
6 Zerizalenm, mon’n met bann gardyen lo ou bann miray.
Zot pa devret reste trankil lazournen antye e lannwit antye.
Zot ki koz lo Zeova,
Pa bezwen repoze,
7 Pa bezwen les li repoze ziska ki i byen etabli Zerizalenm,
Wi, ziska ki i fer bann dimoun loue li partou lo later.”+
8 Zeova in lev son lanmen drwat, wi son lebra for e i’n fer en serman. I’n dir:
“Mon pou nepli donn ou bann lennmi ou lagrenn pour manze
E bann etranze osi pa pou bwar ou nouvo diven, ki ou’n travay dir pour fer.+
9 Me bann dimoun ki pe anmas lagrenn pou manz sa lagrenn e zot pou loue Zeova.
Bann dimoun ki pe anmas diven pou bwar sa diven dan mon bann lakour sen.”+
10 Pase, pas dan bann baro.
Fer en semen pour bann dimoun.+
Konstri, konstri en gran semen.
Tir bann ros dan semen.+
Met en poto sinyal pour bann pep.+
11 Gete! Zeova in anons sa partou lo later:
“Dir fiy Siyon,‘Gete! Ou pros pour ganny sove.+
Gete! Rekonpans ki i donnen i avek li
E sa saler ki i peye i devan li.’”+
12 Zot pou ganny apele en pep ki sen, bann dimoun ki Zeova in sove*+
E ou pou ganny apele “sa Lavil ki Bondye pe rode,” “en Lavil ki pa’n ganny abandonnen.”+
