Izai 4:1-6
4 Sa zour, set madanm pou atrap en zonm+ e dir:
“Nou pou manz nou prop dipen
E nou pou met nou prop lenz.
Zis les nou ganny apele par ou non
Pour nou aret onte.”*+
2 Sa zour, sa ki Zeova pou fer pouse pou zoli e merveye. Bann sirvivan dan Izrael pou fyer e zwaye akoz bann keksoz ki pou annan dan sa pei.+
3 Larestan dimoun Siyon ek bann ki’n ganny kite Zerizalenm pou ganny apele sen, tou sa bann dimoun ki zot non in ganny ekrir pour reste Zerizalenm.+
4 Ler Zeova pou lav salte* bann fiy Siyon+ e lav disan ki dan Zerizalenm, i pou ziz Zerizalenm e i pou montre ki i ankoler avek li.*+
5 Apre, Zeova pou fer en nyaz ek en lafimen lizour e en laflanm dife aswar+ par lao Montanny Siyon e par lao sa landrwa kot zot fer lasanble, parski i pou annan en latant par lao sa zoli landrwa.
6 I pou annan en payot ki pou donn lonbraz ler i fer so lizour+ e i pou en landrwa kasyet ler i annan tanpet ek lapli.+
