Izai 3:1-26
3 Parski gete! Sa vre Senyer, Zeova Sef larme
Pe tir tou kalite provizyon ek led ki Zerizalenm ek Zida i gannyen,
Tou dipen ek delo,+
2 Zonm for ek gerye,
Ziz ek profet,+ dimoun ki predir lavenir ek ansyen,
3 Sef ki ansarz 50 solda,+ dimoun enportan ek konseye,
Mazisyen eksperyanse ek dimoun ki annan abilite pour kontrol serpan.*+
4 Mon pou fer bann garson vin zot prens
E dimoun ki pa konnen ki i oule* pou diriz zot.
5 Dimoun pou fer kanmarad soufer,
Zot pou fer sa avek kanmarad.+
En garson pou atak en zonm aze
E dimoun ki ganny meprize pou opoz sa enn ki ganny respekte.+
6 Sak dimoun pou atrap son frer dan lakaz son papa e dir li:
“Ou annan en manto, alor vin nou sef.
Ou devret vey sa ta debri.”
7 Sa zour, i pou proteste e dir:
“Mon pa pou pans* ou blesir.
Mon napa manze oubyen lenz dan mon lakaz.
Pa bezwen fer mwan vin sef sa pep.”
8 Parski Zerizalenm in degrengole
E Zida in tonbe,
Parski zot dir keksoz e fer keksoz ki montre ki zot kont Zeova.
Zot in azir san respe devan sa Enn ki’n ganny glorifye.*+
9 Lekspresyon lo zot figir i montre ki zot koupab
E zot koz lo zot pese parey Sodonm ti fer.+
Zot pa esey kasyet li.
Maler lo zot, parski zot pe anmenn maler lo zot menm!
10 Dir dimoun ki fer sa ki byen* ki tou keksoz pou al byen pour zot.
Zot pou ganny rekonpanse pour sa ki zot pe fer.*+
11 Maler lo sa move dimoun!
Maler pou arive avek li,
Parski zot pou fer avek li sa ki li i’n fer avek lezot!
12 Me bann sef i maltret mon pep
E bann madanm i diriz zot.
Mon pep, ou bann sef pe fer ou pa konnen kote pour ale
E zot konfiz ou pour ou pa konnen ki semen ou devret pran.+
13 Zeova pe prepar li pour akize.
I pe debout pour li kondann bann dimoun.
14 Zeova pou kondann bann ansyen ek bann prens son pep.
“Zot in bril plantasyon rezen
E keksoz bann dimoun pov ki zot in vole i dan zot lakaz.+
15 Akoz zot oze kraz mon pep
E kraz figir bann dimoun pov ater?”+ La sa ki Souvren Senyer, Zeova Sef larme in dir.
16 La sa ki Zeova i dir: “Vi ki bann fiy Siyon i arogan,
Zot pe mars latet anler,*
Zot fer zot lizye dou, zot sot sote
E zot brasle dan zot lipye i fer tapaz,
17 Zeova pou fer bann fiy Siyon ganny bann lakok boubou* lo zot latet
E Zeova pou met zot fron deor.+
18 Sa zour, Zeova pou tir zot bann zoli brasle,
Bando ek bizou ki dan laform lalin,+
19 Zot bann zanno,* brasle ek vwal,
20 Zot bann tirban,* brasle lipye ek sentir,*
Zot bann resipyan lesans ek gardkor,*
21 Zot bann bag ek zanno ki zot met dan nennen,
22 Bann rob ki zot mete pour bann seremoni, manto ek pti sak,
23 Zot bann pti laglas+ ek lenz linenn,
Tirban ek vwal.
24 Dan plas loder delwil parfimen,+ zot pou pi pouri.
Dan plas en sang, zot pou met en lakord.
Dan plas en zoli stil seve, zot pou sov.+
Dan plas en lenz ki dimoun ris i mete, zot pou met latwal goni*+
E dan plas labote, zot pou ganny en mark brile* lo zot.
25 Ou bann zonm pou ganny touye avek lepe
E ou bann zonm for pou mor dan lager.+
26 Bann larantre sa lavil pou dan dey ek sagrinasyon.+
I pou asiz ater e vin en landrwa dezerte.”+
Bann not
^ Skilled charmer an Angle.
^ Oubyen “ki enstab.”
^ Oubyen “sa dimoun ki geri.”
^ Literalman, “dan lizye son laglwar.”
^ Oubyen “dimoun ki drwat.”
^ Literalman, “pou manz fri sa ki zot fer.”
^ Literalman, “fil zot likou (lagorz).”
^ Scab an Angle.
^ Oubyen “bann pandan.”
^ Oubyen “sapo.”
^ Sa i en sentir ki byen zoli ki bann dimoun ti mete.
^ Oubyen “bann dekorasyon kokiy.”
^ Oubyen “lenz dey.” Vwar Leksplikasyon bann mo.
^ Setadir, en mark ki zot ti met lo en lesklav oubyen en prizonnyen.
