Izai 27:1-13
27 Sa zour, Zeova pou servi son gran lepe ki for e pwisan+
E i pou touy Levyatan,* sa serpan ki ranpe,
Sa serpan ki vir vire.
I pou touy sa bebet ki dan lanmer.
2 Sa zour, sant pour li:*
“En plantasyon rezen ki donn diven ki’n kimen!+
3 Mwan, Zeova, mon pe protez li.+
Mon toultan aroz li.+
Mon protez li lizour ek aswar,
Pour ki personn pa fer li ditor.+
4 Mon nepli ankoler avek li.+
Lekel ki pou servi bann touf pikan ek move zerb pour lager avek mwan?
Mon pou pil pil lo zot e bril zot tou.
5 Si non, ki i rod proteksyon dan mon landrwa proteksyon.
Ki i fer lape avek mwan.
Wi, ki i fer lape avek mwan.”
6 Dan bann zour ki pe vini, Zakob pou ganny rasin,
Izrael pou fleri e bourzonnen.+
Zot pou ranpli sa pei avek zot fri.+
7 Eski i devret ganny bate avek sa enn ki pe bat li?
Oubyen eski i devret ganny touye parey sa bann dimoun ki i’n touye?
8 Ou pou kriye ler ou pou lager avek li pour fer li ale.
Sa zour ler divan sorti dan les i soufle, ou pou fer li ale avek en divan byen for.+
9 Koumsanmenm ki fot Zakob pou ganny pardonnen+
E la sa ki pou arive ler son pese i ganny tire:
I pou fer tou bann ros sa lotel
Vin parey bann bout lakre* ki’n ganny kraze
E i pou nepli annan bann poto sakre* oubyen bann lotel pour lansan.+
10 Parski sa lavil for pou ganny abandonnen.
Bann laplenn zerb pou ganny abandonnen parey en dezer.+
Sa pti bef pou manze e alonz laba
E i pou manz son bann brans.+
11 Ler son bann brans i sek,
Bann madanm pou vin kas son bann brans
Pour alim dife.
Parski sa pep pa konpran nanryen.+
Sanmenm sa, sa Enn ki’n fer zot pa pou pran pitye pour zot
E sa Enn ki’n form zot pa pou annan konpasyon pour zot.+
12 Pep Izrael, sa zour, Zeova pou kas bann fri depi kot Larivyer* ziska kot Larivyer* Lezip+ e zot pou ganny anmase enn par enn.+
13 Sa zour, en gran tronpet* pou ganny soufle.+ Bann dimoun ki pe mor Asiri+ ek bann dimoun ki’n ganny disperse dan pei Lezip+ pou vini e zot pou azenou devan Zeova lo montanny sen ki Zerizalenm.+
Bann not
^ Vwar Leksplikasyon bann mo.
^ Aparaman, sa pe refer avek Izrael. La i ganny konpare avek en madanm e i parey en plantasyon rezen.
^ Chalkstones an Angle.
^ Vwar Leksplikasyon bann mo.
^ Setadir, Larivyer Efrat.
^ Oubyen “Wadi.” Vwar Leksplikasyon bann mo.
^ Literalman, “korn.” Vwar Leksplikasyon bann mo.
