Izai 25:1-12
25 O Zeova, ou mon Bondye.
Mon glorifye ou, mon loue ou non,
Parski ou’n fer bann keksoz merveye,+
Bann keksoz ki ou’n anvi fer* depi lontan.+
Ou’n montre+ ki ou fidel e diny konfyans.
2 Parski ou’n fer en lavil vin en ta ros,
Ou’n fer en lavil for vin en ta debri.
Latour sa etranze i nepli en lavil.
I pa pou zanmen ganny rekonstrir.
3 I pour sa rezon ki en pep ki for pou glorifye ou.
Lavil bann nasyon ki kriyel pou per ou.+
4 Parski ou’n vin en landrwa proteksyon pour dimoun ki pa enportan,
En landrwa proteksyon pour dimoun pov ki pe soufer,+
En landrwa kasyet ler i annan gro lapli
E en lonbraz ler soley i tro so.+
Ler bann diktater i ankoler parey ler gro lapli i fwet lo miray,
5 Parey lasaler dan en landrwa sek,
Ou fer bann etranze aret fer tapaz.
Zis parey lonbraz en nyaz i redwir lasaler,
Bann diktater in aret sante.
6 Zeova Sef larme pou fer en lafet dan sa montanny+ pour tou pep,
En lafet ki annan bann bon manze,+
En lafet ki annan bon diven,*
Bann bon manze avek lanmwel lezo,
Bon diven ki’n ganny filtre.
7 Dan sa montanny, i pou detrir* sa latwal ki pe anvlop tou bann pep
Ek sa kouvertir* ki’n ganny fer e ki lo tou nasyon.
8 I pou anval* lanmor pour touzour+
E Souvren Senyer Zeova pou eswiy larm lo figir tou dimoun.+
I pou fer son pep lo later antye aret onte,
Parski Zeova ki’n dir sa.
9 Sa zour, zot pou dir:
“Gete! Sa i nou Bondye!+
Nou annan lespwar dan li+
E i pou sov nou.+
Sa i Zeova!
Nou annan lespwar dan li.
Nou devret kontan e zwaye parski i’n sov nou.”+
10 Parski Zeova pou met son lanmen lo sa montanny+
E Moab pou ganny kraze anba lipye+Parey dimoun i pil pil lo lapay ki lo en ta fimyen.
11 I pou tap li avek son lanmen
Parey en nazer i tap delo avek son lanmen pour li naze
E i pou fer li aret arogan+
Par servi son lanmen avek skil.
12 I pou kraz sa lavil for avek ou bann gran miray ki an sekirite.
I pou zet li ater dan lapousyer.
