1 Timote 2:1-15

  • Lapriyer tou sort kalite dimoun (1-7)

    • En Bondye, en medyater (5)

    • En ranson pour tou dimoun (6)

  • Bann lenstriksyon pour zonm ek madanm (8-15)

    • Sanz dan en fason respektab (9, 10)

2  Avan tou, mon ankouraz zot pour fer lapriyer, siplikasyon, priy pour lezot e remersye Bondye pour tou sort dimoun,  pour bann lerwa ek tou bann ki annan en o pozisyon,* pour ki nou kapab kontinyen viv en lavi kalm e trankil avek dinyite ek devosyon pour Bondye dan tou keksoz.  Sa i byen e akseptab devan Bondye nou Sover  e i lavolonte Bondye ki tou sort kalite dimoun i ganny sove e ganny konnesans egzakt lo laverite.  Parski i annan en sel Bondye e en sel medyater ant Bondye ek zonm, en zonm, Kris Zezi,  ki ti donn son lavi konman en ranson* pour tou dimoun,* sanmenm ki dimoun pou rann temwannyaz lo la ler son letan i arive.  Pour ki sa temwannyaz i ganny donnen, mon’n ganny apwente konman en predikater ek zapot, mon pe dir laverite, mon pa pe koz manti, mon pe ansenny bann nasyon lo lafwa ek laverite.  Alor mon oule ki dan tou landrwa kot zot zwenn, bann zonm i kontinyen priye, ki zot fidelman lev zot lanmen ver Bondye san lakoler ek deba.  Pareyman, bann madanm i devret abiy zot dan en fason apropriye, ki respektab* e avek bon zizman,* pa avek bann stil seve trese konplike, lor, perl ouswa bann lenz vreman ser, 10  me zot devret abiy zot dan en fason ki apropriye pour bann madanm ki dir zot ador Bondye, setadir par fer bann bon aksyon. 11  Bann madanm i devret reste trankil e soumet konpletman ler zot pe ganny ansennyen. 12  Mon pa permet en madanm ansennyen ouswa annan lotorite lo en zonm, me i devret reste trankil.* 13  Parski Adan ti ganny kree avan e apre ki Ev ti ganny kree. 14  Deplis, pa Adan ki ti ganny anbete, me sa madanm ki ti vreman ganny anbete e i ti kas lalwa Bondye. 15  Me bann madanm pou ganny proteze par vin bann manman, tan ki zot kontinyen annan lafwa, lanmour ek sentete ensi ki bon zizman.*

Bann not

Oubyen “bann dirizan.”
Oubyen “en ranson ki koresponn.” En pri ki egal oubyen ki koresponn avek sa ki’n perdi.
Oubyen “tou sort kalite dimoun.”
Oubyen “avek modesti.”
Oubyen “e rezonnab.”
Oubyen “gard silans.”
Oubyen “e ki zot rezonnab.”