Nou pa kapab anpes sanzman, espesyalman dan sa bann dernyen zour. (1Ko 7:31) Menm si nou pe ekspekte sanzman oubyen non, ki swa i bon oubyen pa bon, bann sanzman i kapab annan en lefe lo nou ladorasyon e andomaz nou relasyon avek Zeova. Kwa ki pou kapab ed nou pour reste eveye e aktif spirityelman ler i annan bann sanzman? Get sa video Staying Spiritually Grounded While Moving e apre reponn sa bann kestyon swivan:

• Ki konsey en frer ti donn sa papa?

• Ki mannyer sa prensip dan Matye 7:25 i aplikab dan sityasyon sa fanmir?

• Ki mannyer sa fanmir ti fer plan davans pour zot al dan en lot kongregasyon e ki mannyer sa ti ed zot?

• Kwa ki ti ed sa fanmir pour adapte avek bann sanzman dan kongregasyon e dan teritwar?

Ki gran sanzman mon’n eksperyanse resaman?

Ki mannyer mon kapab aplik sa prensip ki mon’n aprann dan sa video dan mon sityasyon?