Skip to content

Al lo konteni

 VIV KONMAN EN KRETYEN

Ki ou kapab aprann atraver bann sanson?

Ki ou kapab aprann atraver bann sanson?

Ki serten sanson ki ou kontan? Akoz? Eski ou krwar ki bann video klip i montre bann keksoz ki arive dan lavi toulezour? Vi ki i annan diferan tenm ek kalite lanmizik, i bezwen ki tou dimoun i apresye en keksoz. Kantmenm sa, bann sanson ek video klip pa zis en divertisman.

Sak sanson i ansenny bann leson ki nou devret met an pratik dan nou minister ek lavi Kretyen. Serten sanson i konsantre lo lospitalite, linite, lanmitye, kouraz, lanmour oubyen lafwa. Lezot i annan pour fer avek pardonnen, retourn kot Zeova, toultan reste fidel e pourswiv bann lobzektif spirityel. I menm annan en sanson lo lenportans pour byen servi telefonn. Ki lezot leson pratik ki ou’n trouve dan sa bann sanson?

GET SA SANSON JUST AROUND THE CORNER E APRE REPONN SA BANN KESTYON SWIVAN:

  • Ki benediksyon sa koup aze pe reflesi lo la?​—Ze 12:3

  • Ki mannyer nou kapab ranforsi nou lafwa dan abilite Zeova pour akonpli son bann promes?

  • Lekel ki nou pou rezwenn tre byento?

  • Ki mannyer nou lespwar dan Rwayonm Bondye i kapab ed nou andir bann problenm ki nou pe fer fas avek la konmela?​—Ro 8:25