Skip to content

Al lo konteni

 VIV KONMAN EN KRETYEN

Eski ou konn bann kalite envizib Bondye?

Eski ou konn bann kalite envizib Bondye?

Ler ou pe get en zoli fler, lesyel ranpli avek zetwal ouswa en gro kaskad delo, eski ou vwar travay nou Kreater? Kreasyon otour nou i montre klerman bann kalite envizib Zeova. (Ro 1:20) Ler nou pran letan pour reflesir lo sa ki nou vwar, nou kapab konn pwisans Bondye, son lanmour, lasazes ek lazistis osi byen ki son zenerozite.​—Ps 104:24.

Ki serten keksoz ki ou vwar sak zour ki Zeova in kree? Menm si ou reste dan en lavil ou kapab vwar bann zwazo oubyen pye dibwa. Ler nou obzerv byen kreasyon Zeova, sa i kapab ed nou annan mwens lenkyetid, konsantre lo sa ki pli enportan e ogmant nou lafwa dan abilite Zeova pour pran swen avek nou pour touzour. (Mt 6:25-32) Si ou annan zanfan, ed zot pour konn bann kalite ekstraordiner Zeova. Pli nou apresye kreasyon, nou pou vin pli pros avek nou Kreater.​—Ps 8:3, 4.

GET SA VIDEO THE WONDERS OF CREATION REVEAL GOD’S GLORY​—LIGHT AND COLOR E APRE REPONN SA BANN KESTYON SWIVAN:

  • Akoz nou kapab vwar kouler?

  • Kwa ki fer en keksoz reflekte diferan kouler?

  • Akoz nou vwar diferan kouler dan lesyel?

  • Ki bann zoli kouler ki ou’n vwar o bor kot ou reste?

  • Akoz nou devret pran letan pour obzerv byen lanatir?

Ki lalimyer ek kouler i montre lo bann kalite Zeova?