Skip to content

Al lo konteni

 VIV KONMAN EN KRETYEN

Later ti “anval sa larivyer”

Later ti “anval sa larivyer”

Plizyer fwa dan listwar imen, bann lotorite gouvernman in ed bann serviter Zeova. (Ezr 6:1-12; Es 8:10-13) Menm ozordi, nou’n vwar “later” andotmo, bann eleman dan sa lemonn ki rezonnab pe anval sa “larivyer,” setadir persekisyon ki sa “dragon” Satan in anmennen. (Re 12:16) Par ler, Zeova sa “Bondye sover,” i kapab motiv bann gouvernman pour ed son pep.​—Ps 68:20; Pr 21:1.

Me ki pou arive si ou ganny met dan prizon akoz ou lafwa? Ou kapab asire ki Zeova pe vey lo ou. (Ze 39:21-23; Ps 105:17-20) San dout ou lafwa pou ganny rekonpanse e ou fidelite pou ankouraz bann frer ek ser partou dan lemonn.​—Fil 1:12-14; Re 2:10.

GET SA VIDEO KOREAN BROTHERS RELEASED FROM PRISON, APRE REPONN SA BANN KESTYON SWIVAN:

  • Akoz plizyer milye nou bann frer ti ganny met dan prizon Sid Kore dan lepase?

  • Ki desizyon lakour ti fer pour nou bann frer ganny large pli boner?

  • Ki mannyer nou kapab ed nou bann frer partou dan lemonn ki dan prizon akoz zot lafwa?

  • Ki mannyer nou devret servi nou liberte ki nou annan la konmela?

  • Lekel ki donn nou sa bann laviktwar ankour?

Ki mannyer mon pe servi mon liberte?