‘Tudu palavla ku sa ni Bibilha ka bi di Dêsu.’ — 2 Timóteo 3:16, Tradução do Novo Mundo.

Bibilha ka . . .

kudji tudu kwa ku non ka punta. — Provérbios 2:1-5.

da non konsê setu ku ka zuda non tudu dja. — Salmo 119:105.

zuda non gwada ku kunfyansa ni dja ku sa wê xka bi. — Romanos 15:4.

Yôxi, plôvya di pêlu menu tlêxi kwa:

• Ni palavla di Dêsu ũa modu pensa ka kumbina ku ôtlô. Petu di 40 ome di tudu sotxi so ku xklêvê Bibilha. Jina ku inen komesa antê kaba di xklêvê, 1600 anu pasa. Maxi montxi dinen, ũa na tava konsê ôtlô fa. Axen me, Bibilha ka fla ũa kwa tan jina komesu antê finali ku ũa modu di pensa tan.

• Xtoria setu. Ũa-ũa ngê ku xklêvê xtoria di povo dinen, kondê tudu kwa ku na tava bwa fa. Maji ku kloson, inen ku xklêvê Bibilha fla tudu kwa ku pasa ku inen, ku pôvô dinen, kwa ku tava bwa, kwa ku na tava bwa fa. — 2 Crónicas 36:15, 16; Salmo 51:1-4.

• Plofesya di kunfyansa. Bibilha tava fada non tê dja za, kuma plômêtidu Mesya ka bi nansê ni ũa poson pikina ku ka sama Belen. (Miqueias 5:2) Setesentu anu pasa, andji ku Jizu nansê nê? Ni xitu se me! — Mateus 2:1-6.

  Yô di ôtlô-ôtlô plofesya di Bibilha batê setu modu ku Bibilha tava fla me. Maji ũa livlu ku ka bi di Dêsu sela ê sa axen me. — 2 Pedro 1:21.