A ummi cazin ah kal

A ummi cazin ah kal

 HLA 75

“Keimah Ka Um! Ka Thlah!”

Select an Audio Recording
“Keimah Ka Um! Ka Thlah!”
ZOH DUHMI PHUN

(Isaiah 6:8)

  1. 1. Tuchan mi nih lam tampi in,

    Pathian min thiang cu an thangchiat.

    Thilti kho lo, a puar an ti.

    “Pathian a um lo” tiah an ti.

    Pathian min hngalhter awkah le

    Mikip theih awk hodah chim lai?

    (CHORUS 1)

    ‘Bawipa, keimah ka um! Ka thlah.

    Na thangṭhatnak hla ka sa lai.

    Thangṭhatnak ngan deuh a um kho lo.

    Hin ka um! Ka thlah, ka thlah.’

  2. 2. Mi nih Pathian a rau an ti;

    Pathian ṭihnak kha an ngei lo.

    Mi cheu nih lung milem an biak;

    Uktu kha Pathian in an hmuh.

    Pathian raldohnak le misual

    Ton dingmi kong hodah chim lai?

     (CHORUS 2)

    ‘Bawipa, keimah ka um! Ka thlah.

    Ralṭha te’n ralrin ka pek lai.

    Thangṭhatnak ngan deuh a um kho lo.

    Hin ka um! Ka thlah, ka thlah.’

  3. 3. Tuchan lungnemmi cu an ṭap,

    Sualnak a karh chin lengmang ca’h.

    Thinlung tak in hmuh awk an kawl,

    Lungdaihnak a petu biatak.

    Hnemhnak pek awk le dinnak kawl

    Awkah hodah a bawm hna lai?

    (CHORUS 3)

    ‘Bawipa, keimah ka um! Ka thlah.

    Toidormi ka cawnpiak hna lai.

    Thangṭhatnak ngan deuh a um kho lo.

    Hin ka um! Ka thlah, ka thlah.’

(Salm 10:4; Ezek. 9:4 zong zoh.)