1. Caan saupi tiang Pennak biatak a rak i thup.

Biakammi Tefa kong biatak cu a lang cang.

Dinnak a duh i zaangfah hmangmi Jehovah,

A tlinglomi minung sining kha zawn a ruah.

A Fapa nih vawlei uk dingin a timh cang;

Pathian khiahmi caan ah

Pennak uknak aa thawk lai.

Fapa caah va-ngei lai ngaknu cu a timh,

Thimmi tuurun hmete kha sunparnak a pek.

2. Atu thanhmi thawngṭha, hlanpi in hngalh a si.

Jehovah nih atu caan ah langhter a duh.

Vancung mi zong kan sinah tel in an i nuam,

Pennak biatak thanhnak rian ṭuan kha an kan bawmh.

A min thiang thianternak le a thangṭhatnak ding

Rian le tinvo sung hna kha

hi caan chungah kan hmuh.

Amah Tehte tiin min i laknak nawl le

Zungzal thawngṭha thanhnak nawl kha pek kan si cang.