A ummi cazin ah kal

A ummi cazin ah kal

 HLA 65

Hmaiah Fong!

Select an Audio Recording
Hmaiah Fong!

(Hebru 6:1)

  1. 1. Hmaiah fong, hmaiah fong, mitling si awkah.

    Mikip hmuh khawh awkah biatak nih ceunak a pek.

    Na rianṭuannak ah fakpi in i zuam law,

    Pathian nih hlawhtlinter lai.

    Rianṭuan awk mikip ca hmun a um.

    Jesuh ṭuanmi rian a si na hngalh.

    Zeitikhmanh tluk lo awk Pathian i bochan,

    Dinnak ca fek te’n dir u.

  2. 2. Hmaiah fong, hmaiah fong, ralṭha te’n chim tuah!

    Zungzal hmunmi thawngṭha, miphun vialte sinah chim.

    Thangṭhat Jehovah, kan Pathian, Siangpahrang.

    Inn kip ah phungchimnak in,

    Kan ral nih ṭihter awk zuam hmanh seh.

    Hnulei kir hlah, mikip theihter hna,

    Lawmhnak thawng, Pathian Pennak cu a nai cang.

    Biatak kha thanh chin ko u.

  3.  3. Hmaiah fong, hmaiah fong, zungzal hmaiah fong,

    Ṭuan awk rian a tam ca’h

    na thiamnak karhter chin ko.

    Pathian thlarau nih lam in hruai zungzal seh.

    Lunglawmhnak kha na hmuh lai.

    Dawtnak in mi kha teima te’n kawl.

    Va leng ṭhan hna, an lungthin suk awk.

    Nifa an ṭhancho lengmang nakhnga bawm hna,

    Cutin biatak a ceu lai.