1. Kut tlaih in dawtmi kan Pa he,

Toidor in nifa kan kalṭi lai.

A phunglam a kawlmi hna kha

An phut lomi a vel a pek hna!

A kut tlaih in kal khawh awkah

Pathian nih kan ca’h a timh.

Pathian sin i pumpeknak in;

Jehovah lei ah kan ṭang lai.

2. Hi chan ṭhalo donghnak a nai,

Satan thinhunnak a alh chinchin,

Ralchanhnak hna kan ton caah

Ṭihphannak ngei in lam kan pial kho.

Jehovah nih huhphenhnak pe;

Amah biak zungzal awkah

A sinah naih te’n um kan duh.

Pial loin zumhfek tein daw.

3. Pathian nih bawmhnak a kan pek,

A thiang thlarau le a Bia thawngin,

Cun a Khrihfabu hmangin le

Thlacamnak a kan theihpiaknak in.

Jehovah he kan kalṭi tik,

A zaangfahnak i cawn awk,

Toidor tein a hmaanmi thil

Tuah khawh awkah a kan bawmh lai.