A ummi cazin ah kal

A ummi cazin ah kal

 HLA 38

Pathian nih Thazaang Aan Pek hna Lai

Select an Audio Recording
Pathian nih Thazaang Aan Pek hna Lai

(1 Peter 5:10)

  1. 1. Cung Pathian nih a biatak kha aan hngalhter hna;

    Muihnak chungin ceunak lei aan hruai hna.

    Pathian nan kawl le thilṭha tuah nan duhmi kha

    Pathian nih nan lungthin chungah a hmuh.

    A duhnak tuah awk bia nan i kammi;

    Tuah khawh awkah aan bawmh zungzal hna lai.

    (CHORUS)

    Jesuh thisen in cawkmi,

    Pathian ta nan si cang.

    Aan fehter hna lai i,

    thazaang aan pek hna lai.

    Nan sin a um zungzal caah

    lam aan hruai hna lai.

    Aan fehter hna lai i,

    thazaang aan pek hna lai.

  2. 2. Pathian nih a dawtmi a Fapa aan pek hna;

    Hlawhtlinnak hmu hna seh ti aan duh hna.

    A Fapa dawt hmanh siang ngaiin aan pek hna cun,

    Nan herhmi thazaang aan pek hrim hna lai.

    Dawtnak le zumhnak nan langhtermi kha

    A philh lai lo, aan zoh zungzal hna lai.

    (CHORUS)

    Jesuh thisen in cawkmi,

    Pathian ta nan si cang.

    Aan fehter hna lai i,

    thazaang aan pek hna lai.

    Nan sin a um zungzal caah

    lam aan hruai hna lai.

    Aan fehter hna lai i,

    thazaang aan pek hna lai.