A ummi cazin ah kal

A ummi cazin ah kal

 HLA 19

Bawipa Zanriah

Select an Audio Recording
Bawipa Zanriah

(Matthai 26:26-30)

  1. 1. Jehovah, kan Pa vancung ummi,

    Maw, hi cu a thiang bikmi zan!

    A luancia kum tampi lioah na rak langhter,

    Dawtnak, dinnak, fimnak, ṭhawnnak.

    Lanhtak tuufa nih huhphenhnak pek,

    Pathian miphun luatnak an hmu.

    Chan tampi hnu kan Bawipa nih nunnak a pek,

    Hi chimchungbia tlinternak caah.

  2. 2. Changreu le mitsur zu nih hngalhter,

    Na pekmi man a sunlawi ning.

    Fapa laksawng nih thilṭha tampi a chuahter,

    A thih tiang nawlngaihnak langhter.

    Lunglawm tein mah puai hi kan tuah;

    Tuzan nih a kan hngalhter ṭhan,

    Fapa thihnak in pekmi tlanhnak man thawngin

    Kan dihlak in thihnak in kan luat.

  3.  3. Na hmaiah lungrual te’n kan i pum.

    Na kan sawm caah kan rak ra,

    Khrih thlah awkah forhtu, na dawtnak thangṭhat awk

    Le na Fapa thangṭhat awkah.

    Bawipa Zanriah nih sunparnak pek,

    Kan lungthin zong thazaang a pek.

    Khrih hmuhsakmi lam bangin nifa kan kal lai,

    Zungzal hmunmi nunnak kan hmu lai.