1. Pathian Bia le biakam hna cu

Fek te’n um awk bawmtu.

Na hngalhmi le na cohlanmi

A hram an fek i an hmaan.

A thiangmi zumhnak ah fek peng,

Pathian ni a naih philhhlah.

Na zumhfehnak fek te’n i tlaih;

Hneksaknak in na thiang lai.

2. Hmasa na ngeihmi dawtnak kha,

Ngeih peng awkah i zuam.

Harnak tampi na ton hmanhah,

Fek tein um zungzal ko.

Zei hneksaknak na ton hmanhah,

Lunghrinnak, ṭihnak ngei hlah.

Jehovah nih aan luatter lai,

Na pawng a um zungzal lai.

 3. A dongh tiangin a fekmi cu

Khamhnak an hmu kho lai.

Nunnak cauk chungah an min,

Fiang tein khumh a si lai.

Cuca’h zumhfek tein um awk;

Hmuitinh he i zuam zungzal.

Jehovah thluachuah na hmuh ruang;

Lunglawmhnak in na khat lai.