A ummi cazin ah kal

A ummi cazin ah kal

Ngaihthiamnak nih i siknak mei kha a thah khawh

 NUVA CAAH

4: Ngaihthiamnak

4: Ngaihthiamnak

A SULLAM

Ngaihthiamnak timi cu thinhunnak le lungfahnak hna hloh kha a si. Asinain palhnak kha dinhdorh asiloah i hngalhter lo kha a si lo.

BAIBAL PHUNGLAM: “Pakhat le pakhat lungsilonak nan i ngeih tikah pakhat le pakhat i ngaithiam u law i bawm u.”​—Kolose 3:​13.

“Mi pakhat kha na dawt ahcun a tlinlonak kha si loin zei bantuk minung dah a si timi tu kha na zoh deuh lai.”​—Aaron.

ZEICAH A BIAPIT

Na thin a hun peng a si ahcun nangmahle nangmah pumsalei le lungthinlei ah harnak naa pekmi a si i nan chungkhar zong a rawk kho.

“Ka vapa nih voikhat cu ka lung a ka fahter tukmi thil pakhat he aa tlaiin ngaihthiam a ka hal. Ngaihthiam awkah kaa harh tuk. A donghnak ah ka ngaihthiam, asinain tuan tein ka rak ngaihthiam lo caah kaa ngaichih. Mah nih a herh loin kan i pehtlaihnak kha a hnorsuan.”​—Julia.

TUAH KHAWHMI

HITIN I HAL

Na innchunghawi a chimmi le a tuahmi nih na lung aan fahter tikah hitin i hal:

  • ‘A thinhun a fawi tukmi ka si maw?’

  • ‘Ngaihthiam hal ding tiangin thinhun tuk awk a si maw asiloah zei rel loin ka um kho lai maw?’

NA INNCHUNGHAWI HE I RUAH U

  • Pakhat le pakhat i ngaihthiam awkah zei can dah kan rauh tawn?

  • I ngaihthiam colh awkah zeidah kan tuah khawh?

RUAHNAK CHEUHNAK

  • Na thin a hun tikah na innchunghawi kha miṭhalo pakhat in hmu hlah.

  • Na innchunghawi i a ziaza kha ngaihthiam khawh awkah “kan dihlak hin palhnak kan tuah cio tawn” timi bia kha i cinken.​—Jeim 3:2.

“Kan pahnih in kan palh tikah ngaihthiam awkah a fawi deuh i pakhat lawng a palhmi a lawh tikah ngaihthiam a har deuh. Ngaihthiam halnak cohlan awk le ngaihthiam awkah toidornak ngeih a hau.”​—Kimberly.

BAIBAL PHUNGLAM: “A caan a um rih [lioah], . . . amah he cun remnak tuah i zuam.”​—Matthai 5:​25.

Na thin a hun peng a si ahcun nangmahle nangmah pumsalei le lungthinlei ah harnak naa pekmi a si i nan chungkhar zong a rawk kho