A ummi cazin ah kal

A ummi cazin ah kal

 KHRIHFA NUNNING IN NUNNAK

A Hmaanmi Biaknak Kha Zeicah Na Sunsak?

A Hmaanmi Biaknak Kha Zeicah Na Sunsak?

Ezekiel hmuhmi biakinn kong langhnak nih a hmaanmi biaknak dirh ṭhan a si lai ti a langhter caah sal ah a tangmi Judah mi kha thazaang a ngeihter hna. Donghnak caan ah a hmaanmi biaknak cu “tlang vialte lakah a sang bik tlang a si lai.” Mah tlang i a kaimi hna lakah kannih zong kan i tel ve. (Isa. 2:2) Jehovah hngalhnak le biaknak caan ṭha na hmuhmi kha na sunsak maw?

A HMAANMI BIAKNAK IN HMUHMI THLUACHUAH HNA:

  • Nunnak he aa tlaimi a biapimi biahalnak hna i a phi, zulh awk a tlakmi phunglam le ruahchannak taktak a kan ngeihtermi thlarau rawl tampi kan hmu.—Isa. 48:17, 18; 65:13; Rom 15:4

  • Dawtnak a ngeimi vawleicung pumpi unau rual kan ngei.—Salm 133:1; Johan 13:35

  • Zeitikhmanh ah kan ṭuan ti lai lo dingmi lungsi hnangamnak a pemi rian kha Pathian he ṭuanṭinak tinvo sung kan hmu.—Lam. 20:35; 1 Kor. 3:9

  • Harnak ton caan ah “Pathian daihnak” nih thazaang a kan ngeihter.—Fil. 4:6, 7

  • A thiangmi chiaṭha thleidannak lungthin kan ngei.—2 Tim. 1:3

  • ‘Jehovah he a ṭhami pehtlaihnak kan ngei.’—Salm 25:14, NW

A hmaanmi biaknak ka sunsak kha zeiti lam in dah ka langhter khawh?