A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak ah Thiamnak Ṭhanternak—Hngalh Duhnak A Ngeimi kha I Pumh Ve Dingin Thape

Phungchimnak ah Thiamnak Ṭhanternak—Hngalh Duhnak A Ngeimi kha I Pumh Ve Dingin Thape

ZEICAH A BIAPIT: Pumhnak hna cu “Jehovah sin hla sak” in “amah thangṭhatnak” caan a si. (Salm 149:1) Pathian duhnak tuah awkah pumhnak hna ah cawnpiak kan si. (Salm 143:10) Hngalh duhnak a ngeimi hna le Baibal a cawngmi hna cu pumhnak ah an i tel cangka in an hung ṭhangcho tawn.

TUAH KHAWH NING:

  • A si khawh ahcun a rannak in sawm hna. Baibal cawnpiaknak thawk tiang hngah a hau lo.—Biat. 22:17

  • Pumhnak ah zei hna dah kan tuah timi kong le a hmaizarh ah i ruah dingmi kong kha hngalh duhnak a ngeimi kha chim. Pumh sawmnak catlap, Biakinn ah Zei hna Dah An Tuah? timi video le Jehovah Duhnak timi brochure ṭhen 5nak le 7nak kha hngalh duhnak a ngeimi sawm tikah hman ahcun hmual a ngei lai

  • Bawm hna. Hngalh duhnak a ngeimi aa pumh khawh nakhnga thlah le don a hau lai maw asiloah aa tlakmi thil hrukaih ding tah thimpiak a hau lai maw? Pumhnak ah na pawngah ṭhutter law na cauk kha zohter ve. Midang he zong theihhngalhter