A ummi cazin ah kal

A ummi cazin ah kal

 KHRIHFA NUNNING IN NUNNAK

Nunning Thiang le Upatnak Nih Mi Thinlung A Lak

Nunning Thiang le Upatnak Nih Mi Thinlung A Lak

Unaunu pawl langhtermi a ṭhami tuahsernak nih an vale kha biatak cohlan awkah a bawmh hna. Asinain biatak an cohlan nakhnga nupile nih kum tampi chung harnak an tong men lai. (1 Pet. 2:21-23; 3:1, 2) A ding loin pehtlaih na si hmanhah ṭhatlonak kha ṭhatnak in na tei khawh. (Rom 12:21) Na vapa nih Jehovah kong na chimhmi kha ngaih a duh lo hmanhah a ṭhami na tuahsernak nih biatak cohlan awkah a bawmh lai.

Na innchunghawi intuarnak kha hngalh awkah i zuam. (Fil. 2:3, 4) Zaangfahnak le zawnruahnak langhter law nupile nih vale cungah tuah dingmi rian kha tuah. Ṭha tein a bia ngaihpiak. (Jeim 1:19) Na lungsau law na va na dawt kha hngalhter. Na vapa nih na cungah dawtnak le upatnak a langhter lo hmanhah zumhawktlak tein na ummi nih Jehovah a lawmhter ti kha philh hlah.—1 Pet. 2:19, 20.

KAN THILRIT PHORH AWKAH JEHOVAH NIH THAZAANG A KAN PEK TIMI VIDEO KHA ZOH LAW BIAHALNAK HNA HI PHI:

  • A hmasa ah Grace Li a chungkhar cu zeidah a lawh?

  • Baibal biatak cohlan awkah zeinihdah a forh?

  • Unaunu Li nih tipil a in hnuah a tonmi buaibainak kha zeitindah a tawnghtham?

  • Unaunu Li nih a vapa caah zeidah thla a cam?

  • Unaunu Li nih nunning thiang le upatnak a langhter caah zei thluachuah dah a hmuh?

Nunning thiang le upatnak cu a ṭhawngmi huham a ngei!