A ummi cazin ah kal

A ummi cazin ah kal

 KHRIHFA NUNNING IN NUNNAK

Jehovah Thangṭhat Awkah Nung

Jehovah Thangṭhat Awkah Nung

Nunnak cu a sunglawi tukmi laksawng a si. Mah laksawng kan sunsak kha kan nunning in kan langhter khawh. Jehovah Tehte Hna nih an thiamnak kha hmangin nunnak petu Jehovah kha an thangṭhat. (Salm 36:9; Biat. 4:11) Asinain hi vawlei ṭhalo ah kan tonmi lungretheihnak hna ruangah thlaraulei thil hna kha fawi tein kan hlawt khawh. (Mar. 4:18, 19) Hitin kan i hal awk a si: ‘Jehovah kha a ṭha bikmi ka pe taktak maw? (Hos. 14:2) Ka rian nih Jehovah rianṭuan awkah a harter maw? Thlaraulei ah zei hmuitinh hna dah ka ngeih? Phungchim rianṭuannak kha zeitindah ka kauhter khawh?’ Ṭhancho na herhmi kha na hngalh ahcun thlennak tuah khawh awkah Jehovah sinah thlacam. Jehovah kha nifate in na thangṭhat ahcun lungsinak le nuamhnak in a khatmi nunnak kha na hmuh khawh lai.—Salm 61:8.

Na thiamnak kha aho sinah dah na pek?

NA THIAMNAK KHA JEHOVAH CAAH HMANG TIMI VIDEO KHA ZOH LAW BIAHALNAK HNA HI PHI:

  • Satan vawlei caah na thiamnak na hmanmi cu zeicah hruh a si? (1Joh. 2:17)

  • Jehovah kha a ṭha bikmi a pemi hna nih zei thluachuah dah an hmuh lai?

  • Na thiamnak le na fimnak kha a thiangmi rian ah zei lam hna in dah na hman khawh?