A ummi cazin ah kal

A ummi cazin ah kal

 KHRIHFA NUNNING IN NUNNAK

JW.ORG Pehtlaihnak Card kha Ṭha tein Na Hmang Maw?

JW.ORG Pehtlaihnak Card kha Ṭha tein Na Hmang Maw?

Harnak nganpi cu a naih chin caah phungchim rianṭuannak kha biapi deuh in kan ṭuan awk a si. (Ptb 24:11, 12, 20) Mi nih Baibal le bupi website kha lungthin an pek khawh nakhnga pehtlaihnak card kha hmangin kan bawmh khawh hna. Mah card ah Zeicah Baibal Kan Cawn? timi video a langhtermi code pakhat le man loin Baibal cawn asiloah Biabal kong tamdeuh in hngalh na duh maw? timi sawmnak aa tel. Mi cheukhat nih kan cauk pawl cu an duh lo nain kan website tu cu luh an duh. Cucaah pehtlaihnak card kha pek hna awkah i cungcang hlah. Asinain hngalhduhnak a ngei lomi kha pehtlaihnak card pe hna hlah.

Na rianṭuannak ah hngalhduhnak a ngeimi he nan i ton ahcun hitin na ti khawh: “Pek kaan duhmi pakhat te a um. Mah card nih a kong a phunphun a langhtermi video le thawngpang hna kha man loin zoh khawhnak website pakhat aan chimh lai.” (Johan 4:7) Pehtlaihnak card kha caanṭha na hmuh fatinte midang pek khawh awkah tlawm tein naa ken khawh.