A ummi cazin ah kal

A ummi cazin ah kal

 BAIBAL AH THUHMI RO HNA | PHUNGTHLUKBIA 1-6

“Jehovah Kha Na Lungthin Dihlak In I Bochan”

“Jehovah Kha Na Lungthin Dihlak In I Bochan”

Jehovah cu lungthin dihlak in kan i bochannak kha hmuh awkah aa tlakmi a si. A min sullam nih a biakam vialte tlinter khawhnak ṭhawnnak a ngeih kha a kan zumhter. Jehovah i bochannak ah thlacamnak cu a biapi tukmi a si. Jehovah nih ‘kan lam a tluanternak’ thawngin amah aa bochanmi hna laksawng a kan pek lai kha Phungtlukbia dal 3nak nih a langhter.

Mahle mah ka fim tiah aa ruatmi  . . .

3:5-7

  • Jehovah sinah lamhruainak hal loin biakhiahnak a tuah

  • a ruahnak asiloah vawlei ruahnak kha aa bochan

Jehovah aa bochanmi  . . .

  • Baibal relnak, ṭha tein ruahnak le thlacamnak thawngin Jehovah he a ṭhami pehtlaihnak ngeih awkah aa zuam

  • biakhiahnak tuah a herh tikah Baibal phunglam hlathlainak thawngin Jehovah lamhruainak a kawl

ZEI ṬHEN NIH DAH BIAKHIAHNAK KA TUAHNING KHA A LANGHTER?

PAKHATNAK: Ka ruahnak lawng a ṭha bikmi a si tiah ka ruah i mah kha kaa thim

PAHNIHNAK: Ka biakhiahnak kha thluachuah pek awkah Jehovah sinah ka hal

PAKHATNAK: Thlacamnak le pumpak Baibal hlathlainak ka tuahnak thawngin Jehovah lamhruainak kha ka kawl

PAHNIHNAK: Baibal phunglam he aa tlakmi lam lawng kha kaa thim