A ummi cazin ah kal

A ummi cazin ah kal

 KHRIHFA NUNNING IN NUNNAK

Baibal Cawnpiaknak ah Video Hmang

Baibal Cawnpiaknak ah Video Hmang

Baibal cawnnak ah hmanmi hriamnam hna nih a cawngmi kha a cawnmi kong ah lungthin pek awk, hngalhthiam chin awk le i cinken awkah a bawmh. A Lianngan Bik Cawnpiaktu, Jehovah nih a biapimi kong cawnpiaknak ah mah lam kha a hman ve. (Gen. 15:5; Jer. 18:1-6) A Liannganmi Saya, Jesuh zong nih mah lam kha a hman ve. (Matt. 18:2-6; 22:19-21) Mah lak i pakhat cu nai kum hrawngin hmanmi video a si i mah nih ṭhatnak tampi a chuahter. Baibal na cawnpiak hna tikah video hmannak in ṭhatnak na hmu maw?

Pathian Sinin A Rami Thawngṭha! brochure cawnpiaknak ah bawmtu a simi video pahra timhtuah a si. Video pakhat cio i a biatlangpi le brochure ah cafang nak deuh in ṭialmi biahalnak hna cu an i khat. jw.org ah taarmi mah brochure ah video pakhat cio a cherhchanmi link aa tel. Mah lengah kan cauk a phunphun hlathlainak he aa tlaimi a dang video pawl zong Cawnpiaknak Hriamnam ah a um chih.

Baibal na cawnpiakmi nih hngalhthiam awkah aa harhmi Baibal a kong pakhat asiloah hneksaknak a tonmi kong kha nan i ruah maw? A caah bawmtu a si hngami video kha jw.org® le JW Broadcasting® ah kawl. Mah kha nan pahnih in hmunkhat ah nan zohṭi khawh i a dih in nan i ruahṭi khawh.

Thla fatin video thar pawl chuah a si. Mah video pawl na zoh tikah midang cawnpiaknak ah zeitindah ka hman lai ti kha ruat.