A ummi cazin ah kal

A ummi cazin ah kal

 KHRIHFA NUNNING IN NUNNAK

Pathian Bia Ngai​—Hman Khawh Ning

Pathian Bia Ngai​—Hman Khawh Ning

Pathian Bia Ngai timi brochure cu carel aa harhmi hna nih a hrampi Baibal biatak an hngalh khawh nakhnga bawmhnak caah a si. Cahmai pahnih a ummi ṭhen pakhat cio ah ṭha tein thimmi hmanthlak hna aa tel i a hun changtu hmanthlak hna kha fei bantuk hmelchunhnak in langhter a si.

Pathian Bia Ngai law Zungzal in Nung timi brochure le Pathian Bia Ngai timi brochure chung i hmanthlak hna cu aa khat, asinain Pathian Bia Ngai law Zungzal in Nung timi brochure ah ca tam deuh aa tel i carel a thiam deuhmi he Baibal cawnnak ah hman khawh a si. Baibal a cawngmi nih Pathian Bia Ngai timi brochure kha a hman khawh i a cawnpiaktu nih Pathian Bia Ngai law Zungzal in Nung timi brochure kha a hman khawh.

Pekṭhenh thla a si lo hmanhah mah brochure pahnih kha zeitik caan paohah na pek khawh hna. Baibal nan cawn lioah Baibal kong na fianter tikah hmanthlak hna kha na hman khawh. Baibal a cawngmi aa tel ve nakhnga le a hngalthiam taktak maw ti hngalh awkah biahalnak hna kha hmang. Cahmai pakhat cio i a tanglei ah a ummi Baibal caang hna kha rel u law i ruahṭi u. Mah brochure nan cawn dih hnuah Baibal Cawnpiakmi Taktak Cu Zeidah A Si? asiloah Baibal Nih Zeidah A Kan Cawnpiak? timi cauk kha cawng u law Baibal na cawnpiakmi tipil in ding tiangin a ṭhancho nakhnga bawm.