A ummi cazin ah kal

A ummi cazin ah kal

 KHRIHFA NUNNING IN NUNNAK

Khual Kha Dong Hna U

Khual Kha Dong Hna U

March 23 ah tuah hngami Ruah­nolhnak Puai ah khual nuai 12 asi­loah mahnak tam an i pum lai tiah kan i ruahchan. Jehovah laksawng a simi tlanhnak man kong le minung nih hmailei ah hmuh hngami thluachuah kong phungchimtu nih a chimmi kha an ngaih lai. (Isa 11:​6-9; 35:​5, 6; 65:​21-​23; Joh 3:​16) Asinain mah a sunglawimi caan ah phung­chimtu lawng nih tehte khaannak caanṭha a hmuhmi a si lo. Kan zapi in khual pawl kha lungtho thatho tein don hnanak thawngin tehte khaannak caanṭha kan hmu. (Ro 15:⁠7) Mah hna hi ruahnak cheuhnak cheukhat an si.

  • Program thawk caan kha hngah canah khual le a cawlcang ti lomi unau hna kha hmaipanh tein chawnbia hna.

  • Na sawmmi na hawikom hna kha na zohkhenh hna bantukin campaign ah sawmnak catlap an hmuh ruangah a rak i pummi midang zong kha zohkhenh hna. Khual kha nangmah he ṭhutṭi awkah sawm. Baibal le hla cauk kha zohter ve.

  • Phungchimnak a dih hnuah hngalh a duhmi kha chim. Asinain biakinn kha Khrihfabu dang pakhat nih hman an duh i chuah colh a herh ahcun a hnu ni tlawmpal chungah na len khawh nakhnga timhtuah. Pehtlaihnak tuah khawh awkah address na hngalh lo ahcun hitin na hal khawh: “Kan i ruahmi kong he aa tlaiin na ruahnak hngalh ka duh. Pehtlaihnak tuah khawh awkah address na ka chim kho lai maw?”