A ummi cazin ah kal

A ummi cazin ah kal

 KHRIHFA NUNNING IN NUNNAK

Ṭhatnak Tam Deuh Hmuh Dingin Hlathlainak Tuah

Ṭhatnak Tam Deuh Hmuh Dingin Hlathlainak Tuah

ZEICAH A BIAPIT: Pumpak Baibal hlathlainak nih biatak ‘a kauh ning, a sau ning, a san ning le a thuh ning kha hngalh awkah’ a kan bawmh. (Efe. 3:18) Cun hi vawlei ṭhalo ah mawhchiat awk le soisel awk um loin “nunnak bia” i tlaih peng awk zongah a kan bawmh. (Fil. 2:15, 16) Pumpak Baibal hlathlainak nih kan herhmi thil kha i thim khawh awkah a kan bawmh. Baibal relnak le hlathlainak in ṭhatnak tampi hmuh awkah zeidah kan tuah khawh?

TUAH KHAWH NING:

  • Baibal hlathlainak ah cauk asiloah electronic thilri in Baibal caang hna kha chingchiahnak tuah law i ṭial

  • Baibal na rel tikah hitin i hal: ‘Ahodah? Zeidah? Zeitik? Khoika? Zeicah? Zeitindah?’

  • A konglam kha hngalh i zuam. Hlathlainak hriamnam hna kha hmang law a kong asiloah Baibal caang hna kha kawl

  • Zeitindah ka hman lai ti hngalh awkah na relmi kong kha ṭha tein ruat

  • Na hngalhmi kha nitin na nunnak ah hmang.—Luk. 6:47, 48

HMUAL A NGEIMI PUMPAK HLATHLAINAK KHA TUAH ZUNGZAL TIMI VIDEO KHA ZOH LAW MAH BIAHALNAK HNA HI PHI:

  • Mi cheukhat nih pumpak hlathlainak kha zeitindah an tuah?

  • Pumpak hlathlainak tuah hlanah zeicah thla kan cam awk a si?

  • Baibal hngalhthiam deuh awkah zeinihdah a kan bawmh khawh?

  • Zei bantuk phun in dah Baibal hlathlainak kan tuah khawh?

  • Baibal hlathlainak tuah tikah ṭha tein ruah cu zeicah a biapit tuk?

  • Kan hngalhmi kha zeitindah kan tuah awk a si?

“Zeitluk in dah na phunglam cu ka duh, chun nitlak cu lawng cu ka ruat ko.”—Salm 119:97