Harnak asiloah hremnak ton tikah Jesuh nih kan caah zohchunh awk ṭha a chiah. (1Pet. 2:21-23) Mi nih an nihsawh, harnak an pek ko nain Jesuh nih a let hna lo. (Mar. 15:29-32) Inkhawhnak ngeih awkah zeinihdah a bawmh? Jehovah duhnak tuah dingin biakhiahnak a tuah. (Johan 6:38) Cun “hmailei lunglawmhnak aa ruahchanmi” cungah a lungthin a pek.—Heb. 12:2.

Kan zumhnak ruangah a ding loin pehtlaih kan si tikah zeitindah kan lehrulh? A hmaanmi Khrihfa hna nih ‘ṭhatlonak kha ṭhatlonak in’ kan lehrulh lo. (Rom 12:14, 17) Khrih inkhawhnak kan i zohchunh tikah Pathian mithmai ṭha kan hmu.—Matt. 5:10-12; 1Pet. 4:12-14.

JEHOVAH MIN CU A BIAPI BIKMI A SI TIMI VIDEO KHA ZOH LAW BIAHALNAK HNA HI PHI:

• A muimi khaan chung i thong an thlak lioah Unaunu Potzinger nih zeitindah a caan kha fimkhur tein a hman?

• Rianhrang ṭuannak thonginn i an um lioah Potzinger te nuva nih zeibantuk harnak dah an inkhawh?

• Zeinihdah inkhawhnak ngeih awkah a bawmh hna?