A ummi cazin ah kal

A ummi cazin ah kal

 KHRIHFA NUNNING IN NUNNAK

“Jehovah Biakam Hna kha Zeitluk In Dah Na Zumh?”

“Jehovah Biakam Hna kha Zeitluk In Dah Na Zumh?”

Joshua le Solomon nih Jehovah bia cu pakhat hmanh bau loin a dikthliar in a tling tiah an ti. (Jos. 23:14; 1 Siang. 8:56) An chimmi bia ningin Pathian biakam hna cu a tling lai ti kha kan zumh khawh.—2 Kor. 13:1; Tit. 1:2.

Jehovah nih Joshua chan ah a biakam kha zeitindah a tlinter? Nan chungkhar ningin Pakhat Hmanh A Bau Lotimi video drama kha zoh u. Cun a tanglei i biahalnak hna hi i ruahṭi u: (1) Rahab zumhnak kha zeitindah kan i zohchunh khawh? (Heb. 11:31; Jeim 2:24-26) (2) Nawl kan ngaih lo ahcun harnak kan tong lai ti kha Akhan nunning nih zeitindah a langhter? (3) Gibeon mi hna cu ralkap an si ko nain zeicah Joshua kha an hlen i Israel mi hna he remnak an ser? (4) Amor siangpahrang panga nih Israel mi hna an rak doh hna tikah Jehovah bia cu zeitindah a tlin? (Jos. 10:5-14) (5) Kan nunnak ah Pathian Pennak le a dinnak kha pakhatnak ah kan chiah ahcun Jehovah nih zeitindah a kan bawmh lai?—Matt. 6:33.

Jehovah nih a tuah cangmi, a tuah liomi le hmailei ah a tuah hngami thil kong kan ruah tikah a biakam kan zumhnak cu a fek chin.—Rom 8:31, 32.

Joshua bantuk zumhnak na ngei maw?