A ummi cazin ah kal

A ummi cazin ah kal

 KHRIHFA NUNNING IN NUNNAK

Khulrang In Va Kal Law Na Unau He Khan Remnak Va Tuah​—Zeitindah?

Khulrang In Va Kal Law Na Unau He Khan Remnak Va Tuah​—Zeitindah?

Jesuh chan lioah Galili ah ka um tiah ruat hmanh. Deu puai tuah dingin Jerusalem ah na kal. Lam hla in a rami zumtukhat pawl an tam tuk caah khua cu mi in an khat dih. Jehovah sinah raithawinak laksawng pek na duh. Cucaah meheh pakhat kha hri in naa hruai i a har tukmi lam kha zul in khua chung i biakinn ah na ra. Biakinn na phanh tikah biakinn cu raithawinak laksawng aa putmi hna in an khat. A donghnak ah tlangbawi hna sinah na meheh pek caan a hung phan. Mah caan ah mi bu lak asiloah khua chungah a ummi pakhatkhat nih na cungah a thin a hung ti kha na hun hngalh. Na tuah awk a simi kha Jesuh nih a fianter. (Matthai 5:24 rel.) Nangmah le a lung na fahtermi unaupa nih Jesuh chimmi ningin daihnak a um nakhnga zeitindah nan tuah khawh? A tanglei rinli kulh chungin a hmaanmi a phi kha thim.

NA TUAH AWK A SIMI . . .

  • a lungfahnak a ruang a um tiah na ruah tik lawngah na unau he bia i ruah

  • na unau cu a thinhun a fawi tuk tiah na ruah ahcun a ruahnak kha remh i zuam asiloah buaibainak caah amah kha mawhchiat

  • na unau nih a chimmi kha lungsau tein ngai, a chimmi naa fian dih lo hmanhah a lung na fahter asiloah na tuah sualmi kong he aa tlaiin lungtak tein nawl law ngaihthiam hal

NA UNAU NIH A TUAH AWK A SIMI . . .

  • mah unaupa cung i na tuahmi palhnak kong a chimh hnanak thawngin Khrihfabu chungin bawmhnak a kawl

  • a lung na fahternak a kong vialte kha a chim i aan hrocer, na palhnak zong kha cohlang seh ti a duh

  • toidornak le ralṭhatnak he a sin na kal tikah lungtak tein aan ngaihthiam

Tuchan kan biaknak ah saram raithawinak cu a herh ti lo. A si ahcun kan unau he remnak sernak le Pathian cohlanmi biaknak aa pehtlaih ning kong he aa tlaiin Jesuh nih zeidah a kan cawnpiak?