A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak ah Thiamnak Ṭhanternak​—Lennolh Tuah Khawh awkah Bia Danh Ta

Phungchimnak ah Thiamnak Ṭhanternak​—Lennolh Tuah Khawh awkah Bia Danh Ta

ZEICAH A BIAPIT:

Biatak thlaici kan tuhmi kha ti toih kan duh. (1Ko 3:6) Hngalh duhnak a ngeimi pakhat kha kan hmuh tikah a hnu lennolh ṭhan in i ruah khawh awkah biahalnak pakhat tuah ta cu a ṭha. Cutin tuah tikah inn-ngeitu zong nih aa ngaih lai bantukin lennolh caah fawi tein i timh khawh a si lai. Lennolh ṭhan tikah kan hnulei i biahalnak kaan tuahmi kha a phi chimh awkah kaan lenmi a si tiah inn-ngeitu kha chimh khawh a si.

TUAH KHAWH NING:

  • Phungchimnak caah chim ningcang i timh tikah a hnu lennolh ṭhan tikah a phi chim khawh dingmi biahalnak pakhat zong kha i tim chih. Na pekmi cauk ah a ummi biahalnak pakhat kha naa thim khawh. Asiloah a hnu lennolh ṭhan tikah inn-ngeitu na pek dingmi Baibal cawnnak caah hmaanmi cauk pakhatkhat chung i biahalnak pakhat kha na hal khawh.

  • Lungthawhnak a ngeimi he nan i chawnhbiak dih hnuah amah he bia ruah na duh rih kha chim law naa timhmi biahalnak kha hal ta. A si khawh ahcun amah he pehtlaihnak tuah khawh awkah a konglam kha i ṭial.

  • Kaan leng ṭhan lai tiah na timi caan te ah leng ṭhan.—Mt 5:37.