A ummi cazin ah kal

A ummi cazin ah kal

 KHRIHFA NUNNING IN NUNNAK

Nuva Hna Nih Chungkhar Fehter Khawh Ning

Nuva Hna Nih Chungkhar Fehter Khawh Ning

Abraham le Sarah cu pakhat le pakhat aa daw i aa upatmi, zohchunh awk ṭhami nuva an si. (Gen. 12:11-13; 1 Pet. 3:6) Asinain a tlingmi innchungkhar cu an si lo i harnak a phunphun an tong. Nuva hna nih Abraham le Sarah sinin zeidah an cawn khawh?

Pakhat le pakhat pehtlaihnak ngei u. Na innchunghawi nih a thin a hun ruangah a chimmi bia kha toidor tein lehrulh. (Gen. 16:5, 6) Hmunkhat ah caan hmanṭi dingin timhtuahnak ngei u. Na innchunghawi na dawt kha na biachim le na tuahsernak in langhter. Hlathlainak, thlacamnak le hmunkhat ah Pathian biakṭinak thawngin zeidang vialte nakin Jehovah he nan i pehtlaihnak kha biapi bik ah chia u. (Pct. 4:12) A fekmi chungkhar nih a thiangmi ṭhitumnak a Thawktu, Jehovah thang a ṭhatter.

CHUNGKHAR DAWTNAK FEHTER KHAWH NING TIMI VIDEO KHA ZOH LAW A TANGLEI BIAHALNAK HNA HI PHI:

  • Zei bantuk sining hna nih dah Shaan le Kiara kha a hlatter thluahmah hna?

  • Chungkhar ah a hmaan ning tein le hlangfang tein i pehtlaih cu zeicah a biapit?

  • Abraham le Sarah kong nih Shaan le Kiara kha zeitindah a bawmh hna?

  • Shaan le Kiara nih an innchungkhar fehter awkah zei hna dah an tuah?

  • Nuva hna nih an innchungkhar ah zeicah tlinnak kha an i ruahchan awk a si lo?

Na innchungkhar kha na fehter khawh!