A ummi cazin ah kal

A ummi cazin ah kal

 KHRIHFA NUNNING IN NUNNAK

Hmuh Khawh A Si Lomi Pathian Sining Hna Kha Na Hmu Maw?

Hmuh Khawh A Si Lomi Pathian Sining Hna Kha Na Hmu Maw?

A rong phun tampi a ummi pangpar na zoh tik, arfi in a khatmi van na zoh tik asiloah tisor tlak thawng na theih tikah mah thil pawl a Sertu kong kha na ruat bal maw? Kan pawngkam ah a ummi sermi thil hna nih mit in hmuh khawh lomi Jehovah kong kha fiang tein an langhter. (Rom 1:20) Pathian nih a ngeihmi ṭhawnnak, dawtnak, fimnak, dinnak le siannak hna kha mit in hmuh khawhmi sermi thil hna in kan hmuh khawh.—Salm 104:24.

Nifatin na hmuh khawhmi Jehovah sermi thil cheukhat cu zei hna dah an si? Khuapi ah a ummi na si hmanhah va le thingkung hna kha na hmuh ko lai. Jehovah nih a sermi thil kong ṭha tein tuaktannak nih lungretheihnak a zorter i a biapi bikmi thil kha a hmasa ah chiah dingin a kan bawmh, cun Jehovah nih a kan zohkhenh peng lai timi kan zumhnak kha a fehter chin. (Matt. 6:25-32) Fa a ngeimi na si ahcun na fale kha Jehovah nih a ngeihmi sining ṭha hna hngalhthiam awkah bawm hna. Kan pawngkam ah a ummi sermi thil hna kan sunsak deuhdeuh tikah Sertu he kan i naih deuhdeuh ve lai.—Salm 8:3, 4.

KHUARUAHHAR A SIMI SERMI THIL NIH PATHIAN SUNPARNAK A LANGHTER—CEUNAK LE A RONG TIMI VIDEO KHA ZOH LAW MAH BIAHALNAK HNA I PHI:

  • Zeicah a rong kha kan hmuh khawh?

  • A rong tampi aa cawh i a tleumi nih zeidah a chuahter?

  • Zeicah van ah aa khat lomi a rong tampi kan hmuh?

  • Na inn pawngah a ummi Pathian sermi thil hna lakah zei a rong dah a lang bik?

  • Pathian nih a sermi thil kong ṭha tein tuaktan awkah zeicah a caan kan pek awk a si?

Ceunak le a rong hna nih Jehovah sining hna kha zeitindah an langhter?