A ummi cazin ah kal

A ummi cazin ah kal

 KHRIHFA NUNNING IN NUNNAK

Nan i Ruahchanmi Thawng khan Nan Tha Nuam Ko U

Nan i Ruahchanmi Thawng khan Nan Tha Nuam Ko U

Ruahchannak cu thir cangai bantuk a si. (Heb. 6:19) Mah nih rili ah thlichia a hran tikah kan zumhnak tilawng rawh lo awkah a bawmh. (1 Tim. 1:18, 19) Thlichia timi ah lungretheihnak, thilri sunghnak, caan saupi zawtnak, dawtmi pakhatkhat nih thih taknak asiloah kan zumhfeknak a hneksakmi thil vialte aa tel.

Zumhnak le ruahchannak nih hmailei ah hmuh hngami biakam kha fiang tein kan mithlam ah cuanter khawh awkah a kan bawmh. (2 Kor. 4:16-18; Heb. 11:13, 26, 27) Cucaah kan i ruahchanmi cu van a si ah, vawlei a si ah a kan timhpiakmi thlarau rawl kha hmaan tein kan ei a hau. Baibal ah langhtermi biakam hna kha kan ruahnak thawngin cutin kan tuah khawh. Mah nih harnak ruangah kan lung a dongh tikah kan i lawmhnak hmunhter peng awkah a fawiter deuh lai.—1 Pet. 1:6, 7.

NAN I RUAHCHANMI THAWNG KHAN NAN THA NUAM KO U TIMI VIDEO KHA ZOH LAW, A TANGLEI BIAHALNAK HNA HI PHI:

  • Moses cu zeicah zohchunhawk ṭha a si?

  • Chungkhar lu a simi hna nih zei rian dah an ngeih?

  • Chungkhar Pumhnak ah zei kong hna dah nan i ruah lai?

  • Ruahchannak nih harnak ton tikah zumhfek tein um awkah zeitindah aan bawmh khawh?

  • Hmailei ah zei hmuh lai dah naa ngaih?