A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak ah Thiamnak Ṭhanternak—Zultu Si Dingin “Thim A Simi Hna” Bawmhnak

Phungchimnak ah Thiamnak Ṭhanternak—Zultu Si Dingin “Thim A Simi Hna” Bawmhnak

ZEICAH A BIAPIT: Jehovah nih biatak thlaici kha “zungzal nunnak hmu dingah thim a simi hna” an lungthin chungah a ṭhanter. (Lam. 13:48; 1Kor. 3:7) Phungchimnak i kan i tel tikah an cawnmi ningin a tuahmi hna kha lungthin pe in kan bawmh hnanak thawngin Jehovah he rian kan ṭuanṭi. (1Kor. 9:26) Khrihfa Tipil Innak cu khamhnak hmuh awkah tuah a herhmi a si ti kha Baibal a cawngmi hna nih an hngalh a hau. (1Pet. 3:21) An nunnak ah thlennak tuah dingin, phungchimtu si dingin, cawnpiaktu si dingin le Jehovah sinah i pumpek dingin kan cawnpiak hnanak thawngin zultu si awkah kan bawmh hna.—Matt. 28:19, 20.

TUAH KHAWH NING:

  • Baibal an cawnmi cu Jehovah kong ‘hngalh awk’ le a lunglawmhter awkah kan bawmhmi hna a si ti kha Baibal a cawngmi hna nih an hngalh a hau.—Joh. 17:3

  • A ṭha lomi ziaza le a ṭha lomi hawikomhnak ti bantuk dawnkhantu thil pawl an tei khawhnak thawngin thlaraulei ah an ṭhancho nakhnga bawm hna

  • Tipil an in hlan lawng si loin an in hnu zongah thape hna law bawm hna.—Lam. 14:22

JEHOVAH PATHIAN NIH AAN BAWMH LAI TIMI VIDEO KHA ZOH LAW BIAHALNAK HNA HI PHI:

  • Zei ṭihnak nih dah mi pakhat kha i pumpek lo dingin le tipil in lo dingin a umter khawh?

  • Khrihfa upa hna nih thlaraulei ṭhancho dingin Baibal a cawngmi kha zeitindah an bawmh khawh?

  • Isaiah 41:10 nih Jehovah kong zeidah a kan cawnpiak?

  • Mitlinglo kan si ko nain Jehovah rian ṭuan dingin zei sining hna nih dah a kan bawmh lai?

Zultu siternak ah Jehovah he zeitindah rian kan ṭuanṭi khawh?