A ummi cazin ah kal

A ummi cazin ah kal

 KHRIHFA NUNNING IN NUNNAK

Mino Hna—‘Rian Ṭha caah I Zuam U’

Mino Hna—‘Rian Ṭha caah I Zuam U’

Lamkaltu Paul nih Titas sin cakuat a ṭialmi ah Titas i telin mino pa pawl kha ‘thilṭha tuahnaklei paohpaoh ah zohchunh awk tlak” nan si awk a si tiah a ti hna. (Tit. 2:6, 7) Mah dal ṭhiamṭhiam ah Jehovah miphun cu “ṭhatnak tuah a duhmi” an si nakhnga Jesuh nih a thenh hna tiah a ti. (Tit. 2:14) Ṭhatnak tuah khawhnak pakhat cu Pathian Pennak kong chimnak le cawnpiaknak kha a si. Mino na si ahcun manhcaan hmaikal asiloah hmaanhmaan hmaikal ṭuan awkah na no lio thazaang kha na hmang kho lai maw?—Ptb. 20:29.

Hmaikal ṭuan na duh ahcun na ṭuan khawh nakhnga na nunning kha sersiam. (Luk. 14:28-30) Tahchunhnak ah, caantling rian na ṭuan buin nangmah tein zeitindah na paw naa cawm khawh? Zeitindah suimilam na tlinh khawh lai? Jehovah sinah bawmhnak hal. (Salm 37:5) Naa tinhmi kong he aa tlaiin na nu le na pa le hmaikal rian ah hlawhtlinnak a hmumi hna he i ruah u. Cun na hmuitinh phanh awkah i zuam. Jehovah nih a rian ah naa zuamnak kha thluachuah aan pek hrimhrim lai.

JEHOVAH THANG A ṬHATTERMI MINO PAWL TIMI VIDEO KHA ZOH LAW BIAHALNAK HNA HI PHI:

  • Hmaikal cheukhat nih zei bantuk zuamcawhnak hna dah an tei, cutin tei awkah zeitindah an tuah?

  • Nulepa nih an fale kha hmaanhmaan hmaikal ṭuan awkah zeitindah an bawmh khawh hna?

  • Phungchimnak caah a caan suai cu zeicah a biapit?

  • Zeitindah unau pawl nih hmaikal pawl kha tha an pek khawh hna i an bawmh khawh hna?

  • Hmaikal pawl nih zei thluachuah dah an hmuh lai?

Hmaikal ṭuan ding hmuitinh kha zeitindah ka phanh khawh lai?