A ummi cazin ah kal

A ummi cazin ah kal

 KHRIHFA NUNNING IN NUNNAK

Lot Nupi Kha Va Philh Hlah U

Lot Nupi Kha Va Philh Hlah U

Lot nupi nih Sodom khua in a chuah lioah zeicah a hnulei kha a rak zoh? Mah kong kha Baibal nih a langhter lo. (Gen. 19:17, 26) Asinain a kal takmi thil hna a sian lo caah a si kho men ti kha Jesuh chimmi a hnuhmai bia nih a langhter. (Luk. 17:31, 32) Pathian mithmai ṭha a sunghter khomi Lot nupi tuahsernak kha zeitindah kan hrial khawh? Thilri chawva kha biapi bik ah kan chiah awk a si lo. (Matt. 6:33) Jesuh nih “Pathian le tangka cu an rian nan ṭuan kep kho lai lo” tiah a kan cawnpiak. (Matt. 6:24) Thilri chawva nih Pathian rian kan ṭuanmi a hnorsuan ti kha kan hngalh ah tah zeitin? Thlen a herhmi kan hngalh khawh nakhnga le i thlen awkah ralṭhatnak le thazaang kan ngeih nakhnga Jehovah sinah thla kan cam kho.

ṬHEN THUM AA TELMI LOT NUPI KHA VA PHILH HLAH U TIMI VIDEO KHA RUAT ṬHAN LAW BIAHALNAK HI PHI:

  • ‘Lot nupi ka philh lo’ kha ka tuahsernak in zeitindah ka langhter khawh?

    Tangka tam deuh kawl dingin hneknak nih Gloria a ruahnak, a biachim le a tuahsernak kha zeitindah a hnorsuan?

  • Lot nupi nunning cu kan caah zeitindah ralrin petu a si?

  • Baibal Phunglam an zulhmi nih Joe le a chungkhar kha zeitindah a bawmh hna?

  • Anna a rianṭuanṭi hawi pawl cu thlaraulei a sining cungah zeitindah huham an ngeih?

  • Tangka kha hmasa bik ah chiah dingin hnek kan si tikah zeicah ralṭhatnak ngeih a herh?

  • Brian le Gloria nih thlaraulei kha zeitindah hmasa bik ah an chiah ṭhan?

  • Mah video ah zei Baibal phunglam dah na hmuh?