A ummi cazin ah kal

A ummi cazin ah kal

 KHRIHFA NUNNING IN NUNNAK

Jesuh Cu Na Unau Ca Zongah A Thi

Jesuh Cu Na Unau Ca Zongah A Thi

A tling lomi minung caah Jesuh nih a nunnak a pek. (Rom 5:8) Jesuh nih a nunnak a kan peknak thawngin a dawtnak a langhtermi kha kan sunsak tuk. Asinain Khrih cu kan unau hna ca zongah a thi ti kha kan i cinken a hau. Kanmah bantukin a tling lomi unau hna cungah Khrih bantuk dawtnak kha zeitindah kan langhter khawh? A kong pathum in ruat hmanh. Pakhatnak ah, hnulei sining aa khat lomi hna he kan i komhnak thawngin kan langhter khawh. (Rom 15:7; 2Kor. 6:12, 13) Pahnihnak ah, midang thin a hunter khomi biachim le tuahsernak kha kan hrial khawh. (Rom 14:13-15) Pathumnak ah, pakhatkhat nih kan cungah palhnak a tuah tikah kan ngaihthiam colh hnanak thawngin kan langhter khawh. (Luk. 17:3, 4; 23:34) Cutin Jesuh i zohchunh dingin kan i zuam ahcun Jehovah nih Khrihfabu ah lungrualnak le daihnak um awkah a kan bawmh lai.

AA HUN I DAWH DEUH TIMI VIDEO KHA ZOH LAW BIAHALNAK HI PHI:

  • A hmasa ah Miki nih a Khrihfabu kha zeitindah a rak hmuh?

  • A hmuh ning kha zeinihdah a thlenter?

  • Jesuh nunning nih Miki hmuh ning thlen awkah zeitindah a rak bawmh? (Mar. 14:38)

  • Phungthlukbia 19:11 nih a ṭhatnaklei in hmuh awkah Khrihfa hna kha zeitindah a kan bawmh?